[[轉]]]*-＊死亡日記之1OO日的戀愛＊-*

[size=2]= 女主角 =
阮思媚 – 16歲女生 .. 思想成熟度 ●●● .. 漂亮程度 ●●●●● .. 成績程度 ●●●●●...
陸凱韻 – 16歲女生 .. 思想成熟度 ●●●●● .. 漂亮程度 ●●● .. 成績程度 ●●●...
譚害翠 – 17歲女生 .. 思想成熟度 ●●●●● .. 漂亮程度 ●●●●● .. 成績程度 ●...
阮阿紫 – 怨靈 .. 怨恨程度 ●●●●● .. 漂亮程度 ●●●●● .. 惡毒程度 ●●●●●...
霍雨佳 – 17歲女生 .. 思想成熟度 ●●●●.. 漂亮程度 ●●●●● .. 成績程度 ●●...
= 男主角 =
鄧梓鋒 – 18歲男生 .. 思想成熟度 ●●●●● .. 帥哥程度 ●●●●● .. 成績程度 ●...
鄭子豪 – 18歲男生 .. 思想成熟度 ●●● .. 帥哥程度 ●●● .. 成績程度 ●●●●●...
劉智銘 – 18歲男生 .. 思想成熟度 ●●●●● .. 帥哥程度 ●●●●● .. 成績程度 ●●●...
霍雨安 – 18歲男生 .. 思想成熟度 ●●●●● .. 帥哥程度 ●●●●● .. 成績程度 ●●●●...
林浩言 – 18歲男生 .. 思想成熟度 ●●●●● .. 帥哥程度 ●●●●● .. 成績程度 ...[/size]

[[i] 本帖最後由 K!A 於 2007-5-2 06:53 PM 編輯 [/i]]

[size=2]*-＊前傳  誕生＊-*
[“係一間醫院裡面…一個天真可愛既BB女即將要出世了…”]
媽咪 {“老公…比我睇下個女…”}
爸爸 {“你而家身體仲好虛弱…休息下先好冇??”}
醫生 {“阮生…麻煩你跟我出一出黎…”}
[“於是個BB女既爸爸就同個醫生企係病房門口講野…”]
醫生 {“我諗你要有心理準備…你既太太佢可能過唔到今晚…”}
爸爸 {“下!!點會咁…醫生你要救佢!!多多錢我都會比架!!”}
醫生 {“我好明白你心情…但係…你都係接受現實…”}
[“呢日…BB女個爸爸全日都陪係佢太太身邊…因為佢驚佢既太太就咁離開人世…”]
媽咪 {“老公…你幫我地個女起左名未呀??”}
爸爸 {“嗯嗯…我已經諗好左…”}
媽咪 {“係??咁叫咩??”}
爸爸 {“阮思媚…”} (“因為我呢世都唔會忘記你架…老婆!!”)
媽咪 {“思媚…思媚…好好聽呀!!”}
爸爸 {“最大既義意係你個名都有媚字…我會永遠都咁愛你架!!”}
媽咪 {“老公做咩講D咁既野…”} (“其實我知道自己頂唔得幾耐…但我好想睇住你快樂個樣…”)
[“夜晚既九點零三分…”]
媽咪 {“老公…我好累了…想訓…”}
爸爸 {“好…快D訓…多D休息!!”}
[“第二日既朝早…思媚既媽咪就咁離開人世…因為媽咪既離世…令到阮家有左重大既改變…”] [/size]

[[i] 本帖最後由 魔法米奇 於 2006-11-10 06:21 PM 編輯 [/i]]

又幾好喎 , 快 D post 啦 , 十卜你呀 !!

唔錯唔錯
.......快d快d......

[size=2]*-＊第一日  日記＊-*
[“9月23日既朝早…”]
爸爸 {“阿女…仲唔起身返學??”}
思媚 {“今日放假呀…唔洗返學呀…”}
爸爸 {“又係喎…咁好啦…你自己乖乖地留係屋企呀!!爸爸返工啦!!”}
思媚 {“嗯!!知道!!”}
[“當思媚既爸爸走左之後…思媚就開始郁手做家務…”]
[“思媚入左爸爸既房…汁下D野…點知比佢係個好舊既櫃仔度搵到D野…”]
思媚 {“書黎架??好多塵既!!”}
[“思媚抹乾淨本野…心郁郁想打開黎睇…”]
[“本簿係全黑色…簿面乜都冇…只係得黑色…”]
思媚 {“咁得意既本簿…睇下先:{{很高興你已打開這本日記…想要由頭看到尾必須只能每日看一頁…如果想跳頁或者違規…後果自負…}}哇…咁恐怖既既…”}
[“本日記突然翻去後一頁…”]
思媚 {“{{你已經打開日記之門…想要離開…必須看完日記為止…而規則是必須每日看一篇…否則…}}無下文??死啦…好驚呀…”}
[“本日記自動翻去後一頁…日期係2006年9月23日…”]
{{2006年9月23日…天氣晴朗…
  今日我好快就搞完衛生…肚餓既時候…就打電話去叫左一份PIZZA返黎…哇…唔講唔知喳…送PIZZA既男仔好靚仔…如果識到佢真係好啦…不過硬係覺得佢好熟面口…
  食完個PIZZA…我既好朋友打電話黎叫我出街…反正都做曬野…去玩下都唔怕姐??所以我好快就應承左佢…
  我地去左八佰伴睇野行街…發現多左好多新野…係咁既情況…我地當然都忍唔住手買左一袋二袋野啦…之後我既朋友話肚餓…所以去左最頂果層食野…
  返屋企既時候…係條馬路度…有個細路女訓係度…佢個樣好可愛…}}
思媚 {“下??無架啦??都唔知咩日記黎…”}
[“思媚就將日記放返原位…繼續去打掃…”]
[“到左12點幾…思媚打掃完…覺得好肚餓…於是佢諗起附近開左間新PIZZA店…就係果度叫左個外賣…”]
[“無幾耐外賣到左…”]
送外賣既人 {“唔該多謝87蚊…”}
思媚 {“拿…”} (“好靚仔呀!!”)
[“之後送外賣既人渣左架車走左…思媚就返入屋食PIZZA…”]
[“食飽左…突然間電話響…”]
凱韻 {“媚媚!!去街街啦!!”}
思媚 {“咁好死約我去街??”}
凱韻 {“咁你去唔去先??”}
思媚 {“好呀!!30分鐘…我屋企樓下見!!”}
[“思媚極速換好曬衫褲…同凱韻去街…”]
[“佢地去左八佰伴…係咁買係咁買…大家既銀包都瘦骨如柴…凱韻肚餓.了…就去左頂層食野…食飽就當然返屋企啦…係路上…”]
細路女 {“啊!!媽咪呀!!”}
婦人 {“小美!!快D走呀!!”}
[“一架貨櫃車駛埋黎…個細路女訓左係地下…一大灘鮮血係佢周圍…思媚同凱韻都嚇到面青青…”]
[“返到屋企之後…思媚左諗右諗…發覺今日既野都好似同本日記所講既一樣…呢樣最令佢擔心…”]


{{待續.....}} [/size]

幾 好 睇 牙,,

十卜!

本 日 記 究 竟 有 咩 特 別 呢@@?

好好睇...快快快.....

十卜!
好睇!

[color=Black]都幾好睇也,,          快ｐo啦,,        十卜,,[/color]

[size=2]*-＊第二日  驚嚇＊-*
[“9月24日既朝早…”]
思媚 {“唔…哇!!已經中午12點架啦!!死啦…未做家務!!”}
[“思媚拿拿聲起身擦牙洗面…開始做家務…”]
[“當佢入返房既時候…一本黑色既簿出現係佢面前…”]
思媚 {“點解…本簿係度…”} (“好驚!!救…救命…”)
[“呢個時候思媚唔知點解會拎想本日記…翻去下一頁…”]
{{2006年9月23日…小雨…
  今日好悶…做完野都唔知有咩搞…所以我去左附近既公園睇下野…點知比我見到送PIZZA既男仔…睇佢個樣好似飛緊女咁…佢身邊果個女仔生得幾靚架…但真係好面善…
  跟住個女仔摑左個男仔一巴…呢一巴真係超大聲…連我都聽到…最後個女仔走左…剩低個男仔…佢企左係度好耐…唔通佢傷心到想死??哈哈…
  我望住佢好耐…發覺佢越望越靚仔…但係就覺得佢好冷酷…
  然後我返去屋企…一入門口…就聽到陽台有重野跌落地下既聲…我行出去望下…}}
思媚 {“咁無聊架…又係講到一半無左既…”}
[“思媚將本日記放返去佢既書櫃度…繼續去搞衛生…”]
思媚 {“似乎今日D野都做得七七八八了喎…家下先3點幾…都係出去行下啦…”} (“咪住…如果我出去…咁咪姐係同本日記講既一樣??唔得…唔出得!!”)
[“到左下午5點幾....思媚要準備買餸…但係佢好猶豫…”]
思媚 {“唉!!又會呢個時候無餸係屋企都有架!!唉…是但啦…出就出啦!!”}
[“思媚拎住一袋二袋既餸返屋企既時候…經過公園…見到果個送外賣既男仔同一個女仔…”]
思媚 {“唔係咁玩野掛…都係早走早著…”}
[“當思媚想繼續行果陣…前面突然封左路!!標誌寫住:封路兩小時…”]
思媚 {“唔係呀嘛!!天都玩我!!”}
[“無辦法之下…思媚唯有坐係公園度等…”]
女仔 {“阿鋒呀…唔好咁啦…我知你仲好愛我架!!”}
[“個女仔嗌得超大聲…思媚都比佢嚇親…”]
梓鋒 {“算啦…阿翠…我地無可能架啦…”}
害翠 {“鄧梓鋒!!你好野!!”}
[“講完之後仲摑左梓鋒一巴…”]
思媚 {“哇…呢個場面經典喎…”}
[“害翠走左之後…剩返梓鋒一個企左係度…唔識佢既人都可能以為佢傷心…”]
思媚 {“講真佢真係好靚仔…但係真係好熟面口…硬係唔記得邊度見過…”}
[“兩個鐘好快過左…思媚急急腳返屋企煮飯…”]
[“返到屋企…”]
思媚 {“嗄…好累呀!!”}
[“砰!!突然係陽台傳出一聲巨響…思媚就好奇行去睇下咩事…”]
思媚 {“啊啊啊!!哇!!”}
[“思媚嚇到腳軟…就咁坐左係地下…隻眼既視線都離唔開底下果層停車場…原來係十三樓既李太…墮樓死亡…而佢既雙眼仲係狠狠咁啤住思媚…”]
[“呢個時候思媚爸爸返左黎…”]
爸爸 {“阿女…煮左飯未呀??”}
思媚 {“啊!!”} [“仍然未驚完…”]
爸爸 {“阿女!!哇…唔好睇…快D入返屋…乖…無事架!!”}
思媚 {“我隻腳無知覺…”}
爸爸 {“唔緊要…我扶你…”}
[“入返屋度…思媚仍然好驚…手手腳腳都係度震…思媚既爸爸好擔心…”]
[“呢晚思媚訓得一D都唔好…成日訓訓下就喊…”]

{{待續......}} [/size]

幾好=]*
十卜=]*
加油

本日記究竟係咩黎嫁....好恐佈呀喂....

[size=2]*-＊第三日  遇見＊-*
[“9月25日既朝早…”]
思媚 {“好…搞掂!!爸爸我返學啦!!”}
[“思媚照平時咁去到屋企附近個路口度等凱韻…”]
思媚 {“呼…本日記我係唔會再睇架了!!”}
[“凱韻忽然出現…”]
凱韻 {“唔會睇咩呀??”}
思媚 {“下??無…無野…”}
[“返到學校…”]
Miss Lee {“拎返本Grammar Book出黎…我地對下答案先…”}
[“思媚係個袋度發現本日記…”]
思媚 {“點解會咁架…我無放過入去架…”}
Miss Lee {“阮思媚做咩??”}
思媚 {“無…事…”}
[“思媚驚到成個人呆左係度…對手再一次唔受控制咁拎起本日記黎睇…”]
{{2006年9月25日…天氣晴朗…
  今日…我又見到果個送外賣既男仔…原來佢同我同班架…真係唔講唔知呀!!但係點解我一直都唔發現有呢個人架呢…
  小息既時候…無啦啦比人撞左一下…嘩!!超痛呀…但係呢個人都幾好…見我扭親腳就送我去醫療室…仲送埋返屋企…半路又見到果個男仔…佢好似望住我咁…係咪我幻覺呢??
  落斜路果陣…入到屋企大廈門口…令我起驚訝…竟然呢個時代仲有人玩空中飛人…}}
思媚 {“點解D日記寫到咁模糊架…”}
[“小息了…”]
凱韻 {“媚媚你搞咩呀頭先??無啦啦大嗌…”}
思媚 {“無呀…我去下廁所先…”}
[“突然梓鋒行過…思媚眼定定望實佢…”]
思媚 {“原來佢又係呢班架!?”}
凱韻 {“下…佢新生黎…”}
思媚 {“哦!!”}
[“思媚出左走廊…呢個時候比人撞左下…”]
思媚 {“啊…好痛…”}
男仔 {“對唔住…你冇事呀嘛??”}
思媚 {“無事…”}
[“思媚想起身…點知扭親左隻腳…起左身又跌返落地下…”]
男仔 {“你似乎扭親…我扶你去醫療室啦…”}
[“去到醫療室…”]
Miss Lau {“點解咁唔小心呀…等我幫你睇下…”}
思媚 {“唔該…”}
男仔 {“係呢…你叫咩名呀??讀邊班架??”}
思媚 {“我叫阮思媚…中四A架…”}
子豪 {“我叫鄭子豪呀…中六B架啦!!”}
思媚 {“今次真係唔該你…”}
子豪 {“唔洗客氣…係喎你傷左點返屋企呀??就等我送埋你返屋企啦…唔準話唔好!!”}
思媚 {“哦…”}
[“下午放學嚕…”]
女A {“哇…你睇下鄭子豪…佢溝女呀!!”}
女B {“係囉係囉…個女仔睇落都好靚女呀!!”}
[“行行下既時候…思媚發現對面馬路企住個人…”]
思媚 (“係鄧梓鋒…佢好似望住我咁既…”)
[“返到屋企樓下…”]
子豪 {“好啦…我送到呢度你自己上去得啦嘛??”}
思媚 {“嗯嗯!!拜拜…”}
[“思媚行入去…見好多人企曬係度…”]
思媚 {“哇…做…咩咁架!!”}
[“原來係三樓果個有自閉症既六歲細路女…佢唔知點解係樓下大堂吊頸自殺…”]
[“返到屋企…思媚哩係被度喊…佢唔想再見到自己身邊有人死…果個女仔…同思媚感情好好…佢既死令到思媚極度傷心…”]


{{待續......"}}
{{唔該睇左比CM...><""}} [/size]

[color=Black]幾 好 睇 哇 ,,

繼 續 ｐ0ｓt 啦 ,,

十 卜 ,,*[/color]

加油..
好好睇呀~~~

好正@@" 但係點解睇親杠野都有人死既@"@~~
睇睇下自己有d驚=w+"
加油呀...唔錯..十卜十卜^^

[size=2]*-＊第四日  表白＊-*
[“9月26日既朝早6點半…”]
思媚 {“似乎呢本日記唔係普通日記…裡面所記錄既事都同我有關…如果係咁既話…即係呢本日記係可能比我預知未來…既然唔可以拒絕去睇…咁唯有見步行步…”}
[“然後思媚翻到下一頁…”]
{{2006年9月26日…多雲…
  今日我好早起身…同平時一樣同朋友一齊返學…
  似乎一切都好平淡…
  到左下午既一個小息…我又見到佢了…佢又係同果個女仔係走廊拉拉扯扯…周圍既人都望住佢地…個女仔唔想佢離開…係咁又嗌又喊…而男仔都硬左心腸要放低佢…仲同佢講話佢已經有左意中人好耐…其實當時我都唔知咩事…呢個時候…佢走左埋黎…
  佢拖住左我隻手…拉到去個女仔面前…係我仲未知咩事既時候…佢竟然錫我…呢一幕…全場人都係度歡呼…但係個女仔就用仇視既眼神望住我…但係我一D都唔驚…呢層點解會咁??
  個男仔向我示愛…我真係唔知點答佢好…所以我都照平時咁生活…只係無時無刻都有佢既出現…
  下午放學…佢又要爭住送我返屋企…咁我都無辦法…
  當我地行行下果陣…係前面無幾遠…有個大肚婆訓左係地下…乜原來潮流興訓街…真係幾好笑…}}
思媚 {“入面所講既男仔…係邊個呢??同埋個大肚婆點解會訓地下…好多疑團…好煩!!”}
[“7點半了…思媚同凱韻一齊返學…”]
[“中四A班既課室好嘈…嘈到行緊樓梯既思媚都聽到…”]
害翠 {“阿鋒呀…唔好離開我啦!!”}
梓鋒 {“我已經同你分左手架啦…唔好再煩我!!”}
害翠 {“點解喎!!”}
梓鋒 {“我一早已經有心上人架啦…係你自己痴埋黎架喳!!”}
害翠 {“佢係邊個呀!!”}
[“呢個時候思媚同凱韻入左課室…梓鋒就走埋去思媚度…粒聲唔出拖住佢行到害翠面前…同思媚熱烈擁吻…”]
梓鋒 {“見到啦!!我鐘意既人係佢!!唔係你呀!!”}
害翠 {“哼…你好野…阮思媚你小心D!!”}
思媚 {“下??發生咩事…”}
梓鋒 {“阮思媚…我想你做我條女…”}
思媚 {“下??”}
全班同學 {“應承佢!!應承佢!!”}
思媚 {“唔好咁…”}
凱韻 {“實在太感動啦!!我地既媚媚終於大個女啦!!嗚嗚!!”} [“無啦啦拎張紙巾扮抹眼淚…”]
思媚 {“比D時間我…OK??”}
梓鋒 {“無問題…幾耐我都等…”}
[“另一方面…係女廁…”]
害翠 {{“喂??阿哥…幫我…”}}
智銘 {{“想點幫??}}
害翠 {{“你話事…”}}
[“下午放學…梓鋒要求送思媚返屋企…”]
思媚 {“你係咪有做兼職架??”}
梓鋒 {“係呀!!”}
思媚 {“你又會認得我既??”}
梓鋒 {“你咁靚女…實記得架…”}
[“行到半路…思媚見到前面有個大肚婆訓左係度…”]
思媚 {“係玲姨!!”}
梓鋒 {“你話前面果個人??”}
思媚 {“快D過去睇下佢先!!”} (“唔可以死架!!”)
[“佢地跑埋去…梓鋒即刻報警…思媚就係咁嗌醒佢....”]
梓鋒 {“佢已經唔得了…無左呼吸…”}
思媚 {“點會咁架…”} (“一定係本日記!!點解一定每日都要我身邊既人離開我!!”)
[“警察到左…處理左一切之後…思媚返到屋企…”]
思媚 {“點解當初要比我發現你…”}
[“思媚對住本日記成晚…不停自言自語…又成日哩係房度…令到佢爸爸好擔心…”]


{{待續......}}[/size]

不 錯 `
p0st多d naa=[[!!

very good
support u ...
plz poz quickly .....kaka

唔錯wo...之後點呀..好想睇