轉-點教12星座細路仔&12星座細路仔性格！

其實雖然話細蚊仔頑皮有時真係好鬼激氣，不過講到尾，只要大家掌握到小朋友的性格，針對特質施教，自然可以事半功倍啦！


白羊座細蚊仔

呢個星座的細路仔，天生粗心大意又冇乜記性，響呢方面好難改善，要多Ｄ包容佢。至於點教呢，最緊要係佢做錯時要保持溫和態度同佢傾，唔好淨係鬧，而做得好就多Ｄ讚佢，唔係呢，盞佢索性唔聽你話咋！


金牛座細蚊仔

　　一般金牛座細蚊仔都係好聽教聽話，買Ｄ小禮物獎勵下，整Ｄ好野食佢，都會令佢聽晒你話；不過有一點要留意，佢天生真係好鬼固執，頑固到令你覺得不可思議，響呢個時候就真係只有由你讓步，隨機應變啦！


雙子座細蚊仔

　　你會發覺呢個細路有兩個臉口，對外人一個、對你又一個，對住外人笑笑口，返到屋企成日喊，仲有佢好鬼神經質，真係要多費精神同佢傾下計。平日多Ｄ搵Ｄ新奇刺激小玩笑同佢一齊玩都係個好的親子活動！


巨蟹座細蚊仔

　　由細至大巨蟹細蚊都係較為情緒化同內向少少，千祈唔好強迫佢表演呢樣表演果樣。呢個細路感情亦都好豐富，細細個都已經好鍾意關心人，所以即管將你的簡單的心事同煩惱同佢分享，但亦限於小且簡單同埋唔好鬧佢！


獅子座細蚊仔

　　呢個獅子座細蚊仔，天生自我膨脹得好厲害，而且目中無人兼鍾意自把自為，真係好難攪，好彩佢有個特點，就係好有族群性，只要同佢打好關係，佢自然會好痴你。另外響屋企犯錯不妨鬧佢，不過響外人面前就唔好。


處女座細蚊仔

　　處女座細細個就已經係服從性好高，聽教聽話，你叫到佢做乜都肯；不過要留意的係佢有ＤＤ神經質而且感情好細膩，一Ｄ冇意的說話同打鬧都好傷佢自尊心，要多Ｄ循循善誘的方式來教導佢。


天秤座細蚊仔

　　呢個細路性格好隨和，簡簡單單好鬼聽話，冇乜脾氣，不過就顯得太過依賴，似裙腳仔多Ｄ；由於天秤座好易不能自拔地受人影響，所以要多Ｄ留意佢認識的小朋友，最好群多Ｄ你認為乖的細路哥啦！


天蠍座細蚊仔

　　對住呢個小鬼頭，你最好打醒12分精神，因為天蠍細蚊由小時起佢的觀察力已經好強，唔好諗住佢仲細唔識野，小心「上樑不正下樑歪」；另外係要畀多Ｄ心機建立大家關係，一旦佢對你築起圍牆，以後就好難打破。


人馬座細蚊仔

　　要教人馬座細路，千祈咪擺起個長輩樣，對佢來講，世界係好黑白分明，就算你係父母，做錯事都應該要好好道歉。打打鬧鬧對佢只會有反效果，寧願用多Ｄ口水同佢坐底傾下好好檢討下，記得要令佢由心尊重你。


山羊座細蚊仔

　　緊記呢個細路仔好早熟仲好多野諗，再加上佢天生性格較為負面，所以大部分呢個星座的細路都存有好多童年陰影，要多Ｄ關心佢同向佢表達愛意，另外咪用Ｄ侮辱性字眼鬧佢，會對佢做成不可磨滅的陰影。


水瓶座細蚊仔

　　水瓶座細路好細個已經唔係咁駛父母擔心，佢好快就識得獨立，不過亦都因為佢太自我同有少少反叛，唔係咁聽人的說話，要好的處理方法就係以朋友形式交往，發覺唔妥時唔好打鬧，用畀意見形式話佢會更易接受。


雙魚座細蚊仔

　　對住呢個少少自閉傾向的細路要多花時間照顧佢，嚴厲咁打鬧會好傷佢自信心，會毀佢一生！多Ｄ花時間引導佢，鼓勵佢多Ｄ，最好就係發挖埋佢有咩才能，協助佢慢慢建立自己的人生。

[[i] 本帖最後由 Ada敏 於 2009-7-15 11:05 PM 編輯 [/i]]

金牛座細蚊仔

　　一般金牛座細蚊仔都係好聽教聽話，買Ｄ小禮物獎勵下，整Ｄ好野食佢，都會令佢聽晒你話；不過有一點要留意，佢天生真係好鬼固執，頑固到令你覺得不可思議，響呢個時候就真係只有由你讓步，隨機應變啦！


ok!!