「唔得! 少爺唔可以參加」跟呀謙個個人講
我岩岩掛住個個雲翼行,冇理到呀謙
我東張西望, 呀謙就係係第一排度
咁岩呀謙又望住我, 呀謙既眼神好複雜:有失望,失落,傷心......
呀謙岩岩一直睇住我同個個雲翼行?
「呢位朋友,杜同學係我地學校既一份子, 我地學校既活動,佢絕對要參加,更何況參唔參加, 係佢自己抉定」
郭sir處便不驚咁講
「呢個係家族命令」個個人講
「你可以放心, 我地會通知杜同學既家長」郭sir講
「你......」個個人激到冒煙, 謙「好, 我希望你唔好令我失望」
咁樣,呢個小風波都過去......
「我地有請8位同學上台呀」郭sir講,冇啦啦同我做鬼臉,郭sir又想做乜呀?
「呀彤, 我唔想上去呀」我細細聲講
「咩呀?你食左屎呀?」呀彤鬧我, 講「行啦」
「係囉林同學,郭sir都講, 學校既一份子, 我地學校既活動,絕對要參加」雲翼行揚起佢招牌笑容對我笑
我怕怕呀,汗!
呀彤右手拖住我,左手拖住雲翼行,呢個傢伙, 唔驚呀軒忌妒呀?
「到齊啦郭sir!」呀彤大嗌
「好好」郭sir對我邪邪一笑,打冷震,做乜呢排成日有人對我咁笑架?
「好啦,請各班隨堂老師,帶領大家返回課室」郭sir講
十分鍾後
「呀希你好勁呀!你做灰姑娘呀!!」呀彤摟住我講
冇錯,我地係要演灰姑娘
「呀彤!乜你呢排咁易興奮架?」我對呀彤翻了n次白眼
「sorry呀!!haha」呀彤吐吐舌
「郭sir我退出得唔得?」我承認, 我唔鐘意出位
「唔可以,身為學校既一份子, 我地學校既活動,絕對要參加」郭sir講
「哦......」我只好應承
「咁邊個係王子呀?」郭sir問
沉默......到底係邊個呀?寧願呀彤反串仲好呀!!
「唔好意思啦希妺妺」雲翼行忽然對我邪邪一笑
「咩希妹妹呀?」我對雲翼行大0孔,但我俾雲翼行既下一句嚇親
「郭sir, 係我」雲翼行輕鬆地舉手
「咩話?!」我地七個異口同聲地叫起
「王子係我」雲翼行對大家笑笑地說
「咁呀謙呢?」
「......二姐......」呀謙冷冷地說...... 呀謙竟然......演二姐?
「哈哈」呀風笑到斷腰,指住呀謙鼻子講「你都有今日啦, 哈哈哈」
「嘈又野呀你?你咪係演呀希老母!」呀謙反駁呀風,咩話?汗!今次真係自作「頁」不可活(忘記左個頁字) ...... (待續)

「咩話?臭小子!!你敢笑本大爺!!欠揍!!」呀風一個衝前去,但末到呀謙面前,中途就俾郭sir攔左係度
「計樂風,你想搞事呀?」郭sir啤一啤呀風, 呀風即刻收返晒d脾氣,
唔知點解, 呀風就係好似驚左郭sir咁,次次都千依百順
郭sir見到平息左呀風呢個小風波, 講「其他角色自己報上名來」
「郭sir! 我做魔法師呀!!」呀盈羞澀澀地舉手
「喂, 呀川呢?」呀風對呀川邪邪一笑
只見呀川一臉無奈, 講「我做馬伕......」
大家聽到呀川呢句,即刻靜晒,但只係僅僅三秒,三秒後整個禮堂都傳出笑聲
五分鍾後,經過郭sir出面, 我地先可以平息到......唯獨係呀風一個仲係度大笑
「郭sir...... 我係......」忽然,芊姐舉舉手
「咪住咪住,等等先呀芊, 我想知邊個係旁白呀?」郭sir對住我們講,冇視呀芊姐
「唔係呀,郭......」芊姐都未講完,就俾呀川打斷左,
「呀彤係咩先?」呀川問
「我係大家姐呀!」呀彤對我偏偏咀
「哈哈,呀彤,呢個角色岩你呀,好襯你呀,以後你就係我個女啦, 我罩住你」呀風對呀彤講
「呀媽媽!!」呀彤勁誇張咁扑去呀風度,但停左停, 講「咁呀謙咪係我細妺?哇卡卡卡......」
「超!」大家同聲咁對呀彤
「咦?咁唔通唔見左?」郭sir係咁周圍搵
係大家搵緊野個陣, 我行埋去呀芊度,「呀芊你係做乜架?」
「旁,白」芊姐冇奈咁講
「你係旁白? 唔係呀?」我大嗌
「邊到邊到?旁白係邊?」郭sir衝埋黎「唔係呀? 呀芊你係旁白呀?」
「你唔滿意?」呀芊頭頂己經冒煙
「我岩岩搵個陣唔出聲?」郭sir啤住呀芉
「我有呀, 係你唔俾我講扎!!仲聲大夾惡!!」呀芊對郭sir大嗌
「好好好,」郭sir捂住耳朵, 講「呀芉,你唔好做旁白啦, 我地仲爭個位呀」
「仲爭咩角色呀?」呀芊問
「送玻璃鞋俾希個個仆人」
「咁點解要我做姐?」呀芉問
「因為唔夠人呀麻,旁白我搵個第個」郭sir講
「咁點解唔搵人去做送玻璃鞋俾希個個仆人,一定要我做呀?」呀芊倔強地問
「咁做送玻璃鞋俾希個個仆人有得出場呀麻,旁白只係企係側邊」郭sir係咁氹呀芊
「咦?又係喎,咁我都係做送玻璃鞋俾希個個仆人啦」呀芊笑住講
「劇本係爭小小,食完lunch搵我呀,咁依加大家去食lunch啦」一聽到郭sir咁講, 呀風第一個衝出去
「唉, 呀風呢個衰仔,枉佢呀媽咁......」郭sir見我望住佢,即刻收聲唔講,對我呵呵咁笑
「呀希妹妹, 我地去食lunch囉」雲翼行同我謙
「呀, ......er ......好呀」雖然我同雲翼行講緊野,但係我既目光總係呀謙度,
我係呀彤耳邊講, 「呀彤,幫我去問問呀謙同唔同我地去食lunch呀」
呀彤行埋去同呀謙講左兩句, 呀謙同呀彤講完, 一直望住我...... (待續)

「唔得呀, 呀謙要等個條呀康」呀彤講
「who is 康?」我問
「咪係平時跟出跟入條臭小子囉」呀彤講
「咁我地三個去食囉」雲翼行講
呀謙......

「喂,白痴,你知唔知呀希依加行出黎架,你咁咪阻住呀希囉」
「喂, 呀希你到底識唔識跳舞架?你踩左雲翼行幾多野呀?」
「死蠢,你係呀希既二姐呀,你都唔係恰呀希架?」
「呀希,你係一個禮拜內一共踩左雲翼行五十三腳啦!」
「呀彤,你同呀希玩乜呀?你係呀希家姐黎架, 唔好同佢玩啦」
「呀川你唔好死氣深深咁啦」
「呀謙你呢度有句對白架,你傻左呀?」
經過郭sir兩個禮拜地獄式訓練, 我地己經可以記熟d對白,僅僅記到姐
依加離表演淨返5日,大家正在努力中,12月18日,我地23日表演
「你你你,你你......你你,你......」
「cut呀呀!!」郭sir嬲到冒煙
「你你你......計樂風你你完未呀?」
「哈哈,凍呀麻,呵呵呵」呀風仲係度笑
「你......」郭sir係奈佢呀何, 講「大家繼續」

表演前夕, 12月22日,5:43分
「當正式表演呀, 唔好同我反野呀,第一幕!開始」郭sir一聲令下
「從前,有一個賣火柴既女...... 呀!唔係, 係一個可憐既女仔,人人稱他為灰姑娘,佢......」
「cut!!cut!!cut!! 呀希呀,你依加係要行出去架!」郭sir大嗌
「哦!!」我高八度咁講,行左出去
「旁白繼續,」
「灰姑娘從細就比佢老母, 唔係, 係佢母親同兩位家姐恰......」
之後呀謙呀彤同呀風行左出黎
「ok!第二幕凖備,開始」
「有一日,有人拎左封信俾灰姑娘一家......」
「呀呀呀!」呀風高八度既尖叫, 注意,係乸形聲呀「係王子寄黎既信呀」
「cut!!!──呀風你走左音呀!!」
「咩呀,你叫我講呢d咁娘娘腔既對白都冇同你計呀!!」呀風講
「我地天日就表演啦,你地呢d水準點出街呀?」郭sir講
冇人講野......靜......郭sir冇講錯, 我地呢d水準係好唔掂......
「失敗呀!」郭sir拍晒木台
「放心啦郭sir, 我地一定唔好練到好架!大家俾d士氣呀!!」呀彤係度大嗌
「你......唉,天日就死啦,旁白天日努力d呀,要識得汁生呀!」郭sir頭痛咁講...... (待續)



下一po仲爆肚呀!!!
預告:灰姑娘竟然穿唔到玻璃鞋反而大姐呀彤得?
並被稱為十月芥菜?而大姐,二姐同母親成日幫住灰姑娘?
完全癲倒灰姑娘劇場,正式拉開序幕......

「郭sir郭sir!!」呀彤衝去郭sir度
「走廊唔好跑呀」郭sir好心提呀彤
「郭sir!! 呀風打碎佢玻璃鞋呀!!」呀彤講
「咩話?」
一聲尖叫劃破了清晨

「計樂風!你發生咩事呀?」郭sir問
一去到,只見呀風捧住玻璃係度
「呢,死人藍浩川囉,冇啦啦笑我, 我咪隨便拎個野擲佢,鬼知拎到隻......」呀風激動咁講
「收聲!!」郭sir真係嬲
「郭sir呀, 唔碎都碎,不如快d諗辦法啦」呀盈講
「咁依加可以點姐?」郭sir問
「唔夠時間買多隻啦」呀謙講
「不如用對銀色布鞋頂呀」呀芊講
「唔得」
「咁不如用之前買落唔岩著個個呀」我提議
「你都識講唔岩著啦」郭sir講
「唔緊要啦,爭小小姐, 我勉強著到既」我講
「真係ok?」郭sir問
「嗯嗯!」
「咁好,依加淨返七分鍾,大家去準備啦!」郭sir講
後台
「希妺妺,你好緊張咩?」雲翼行問我
「你又知?」我問
識雲翼行咁岩, 我次次有心事, 佢都知,好似睇穿我個心咁
「你做乜次次都估到我有事呀?」我偏偏咀問
「因為你每次緊張都係咁揉隻手」雲翼行笑笑口同我講
「下?有咩?」理我都唔知自己有呢d小毛病, 雲翼行又知?
「有,有留意你個d人都知啦」雲翼行講
「車,你好留意我咩?」我問
「希妹妹講野咁率直,你唔怕羞架咩?」雲翼行揚起佢招牌笑容
「下......」我諗左好耐都唔明雲翼行講既野
「哈哈,希妹妹你真係遲鈍」雲翼行講
「咩呀?遲鈍?你用錯詞語呀!」我大力踩左雲翼行一腳
「哇,希妹妹,你好暴力呀!!」雲翼行捂住腳講
「哼,知咪好」等我臭美一下先
「希妺妺」良久, 雲翼行冇啦啦叫我
「乜事呀?」我問
「希妹妹,因間介唔介意有kiss戲呀?」雲翼行冇啦啦問我呢d咁尷尬既問題,令我措手不及...... (待續)

「咩話?」雲翼行冇啦啦問我呢d咁尷尬既問題,令我措手不及
「呵呵呵, 我地專業架麻,有我都冇辦法,但呢度係school,始終唔係咁好既」我講
哇,原來我都係一個不可多得既人才,依加先發現世界係咁美好架
「希妺妺!!希妺妺!」忽然聽到有人叫我
「下下?乜事呀?」我問
「夠鐘出場啦」雲翼行講
「咦? 係卜」我東張西望
「希妹妹望乜呀?」雲翼行問我
「下下?冇......冇呀......」我吐吐吞吞咁答
「希妺妺一定係要搵杜文謙啦」雲翼行講
「你......」又係俾佢估中, 我講「哦哈哈哈, 唔係, 我唔見左d野姐」
「唔好搵住啦,開始啦!」雲翼行一扯扯左我去我事先準備好出場既位
「從前從前,有一個可憐既女仔,佢叫灰姑娘......」旁白講晒d開場白,
我慢慢行出去,低下頭,差澀澀咁企係台中心, 心裡偷偷叫好
我身穿一身灰溜溜的工人服,頭帶頭巾,散(法)披肩,十足十灰姑娘咁
「佢出身於豪門,但因為佢既母親大人和兩位姊姐洗腳唔抹腳,佢地敗晒佢d身家......」
呢時, 呀彤, 呀謙同呀風係我後面彈出, 呀謙同呀風呢身打扮,引起台下哄動和尖叫
「佢地三們經常虐待灰姑娘,城堡中既工作全都俾晒灰姑娘做......」
呢一幕係講佢地3個打我,虐待我既
呀謙目冇表情咁輕輕拍左我兩下;
而呀風就一邊向台下舉起v字手勢,一邊攬住我膞胳;
而個死人臭彤就大力打左我一下,臭彤,遲d你就玩完
搞到我唔小心嗌左出黎
「喂!!有冇搞錯呀?佢老母同二姐都唔識虐待灰姑娘既!!」台下唔知邊條友大嗌
「係囉係囉, 唔似呀!!」
「抗議呀!! 唔應該呀!!」
台下既抗議聲越黎越大,大家都係衝我而黎
而台下既郭sir就就狂向旁白白打眼色
「......ererer ......原本四人感情好好,但係大姐唔滿灰姑娘同佢地咁fd,所以經常製做誤會,令大家感情破裂」
「下一幕!!」郭sir係台下大嗌,令台下d冇事生非既人冇得反駁
「有一日,有人黎按門鐘,於是灰姑娘去開門啦,原來係王子既朴人......」旁白講完,芊姐就係一邊彈出黎
「呀希灰姑娘!!」呀芊扯大聲線講,「我係替王子送封架!!」
呀芊講完,彈返入台後,呢時,呀彤同呀風出黎
「哇哇哇」呀風高八度咁講,又做埋籣花手, 講「係王子寄黎既信呀」
「哈哈哈,個個計樂風走音呀」台下某條友仔講,引起台下大笑,出奇地, 呀風並冇發嬲
「原來, 王子邀請全城公主參加佢既派對,並選出自己未婚妻......」旁白講
「可憐的灰始娘被他們遺忘在城堡裡,這刻,魔法師出現了......」
呢時,一身魔法師妝扮既呀盈出現,
「灰姑娘,點解你愁眉苦臉呀?洗唔洗我幫幫你呀?」聽見呀盈壓沈自己把聲, 我就忍唔住笑左出黎...... (待續)

「......ER...... 呀!! 魔法師!!真係你呀?!你黎得太太太太岩啦!!」我感激咁捉住呀盈隻手
呀盈俾我呢個動作嚇左一嚇, 講「呵呵呵,咁你想我點幫你?」
「魔法師, 我求你俾一件美麗既衣服呀,令我可以去到王子既派對; 我求你俾架馬車我,令我可以趕到會場!!」我講
「好好好」呀盈係身後拎左一張大布出黎遮係我面前,而我就係後面除左件衫,
露出我原本著係底既白色晚裝
「哇哇,佢好靚呀, 係呀係呀......」台下傳來一陣陣讚美說話,自豪中
「魔法師送你一架南瓜車!」呀盈講左,就見呀川抬作個改造過既櫈
「多謝你呀魔法師!! 我愛你呀!!!」我講完就彈上張櫈度
「記得呀,12:00前要返呀, 唔係你就死啦」呀盈講完就就入返後台
我就安心咁楚係度
忽然,腳祼傳出一陣刺痛, 我望ㄧ望,流血呀!!
「呀希,你冇事呀麻?」呀川細細聲咁問
「冇問題!!」我講
「去到會場,灰姑娘落車,周圍東張西望,尋找王......」旁白仲咪講完, 就俾一下尖叫聲打斷左
冇錯,個個係我, 我一落「車」,因為腳太痛,向前傾斜,吃個吃狗屎
當我跌低個下,發覺一d都唔痛,仲軟軟地, 我望清楚,汗!! 係雲翼行!1
「公主,你冇事呀麻?」雲翼行處便不驚咁問
「下下?冇......」我那那淋起返身,
其實我心諗:「你咁大舊肉『煎』係下面,冇事就白痴啦」
「旁白汁生呀!!!」郭sir係台下講
「灰姑娘一見到王子,一個餓虎扑食,就落於王子擁抱中,好一個十月芥菜呀!!」旁白講
餓虎扑食??!! 十月芥菜??!!
「喂,你講乜呀?咩餓虎扑食咩十月芥菜呀?」呀彤對住旁白大嗌,引起台下哄動
「咪係,你識唔識講野架?」呀風又加入罵戰
「哦呵呵呵」旁白尷尬咁笑笑,講「真係親情既真蒂呀,家人有事,挺身而出......」
「呀彤呀風返返去呀!!」郭sir講,佢2個都逼不得而返返去
「公主俾面跳隻舞嗎?」雲翼行十足十王子咁,禮貌地伸出手
「下下......哦,哦哦......」見到雲翼行咁, 我就冇法拒絕...... 我伸出右手俾佢
「叮,叮,叮,叮,叮,叮,叮,叮,叮,叮,叮,叮......」
「呀!!」忽然我對雲翼行大嗌, 講「12:00啦, 我要走啦,掰掰」
講完, 我一邊用太空漫步咁跑,一邊除玻璃鞋,因為鞋太緊啦,一觸碰到傷口就痛,除極除唔到
我索性企係度除
「呀希, 唔得呀?」雲翼行行左黎我度,慢慢咁幫我除
「呃, 唔該,掰掰」講完我就衝左入後台, 唔知why,岩岩我有種心跳加速既feel ......
「幾日後,灰姑娘正打掃中,又有人按門鍾......」旁白講
呢時, 我著返之前件衫,行左出去拎開門,只見雲翼行同呀芊係度
「你好, 我地係黎試鞋架」呀芊講,呢時, 呀風, 呀謙同呀彤衝左出黎
「我試我試!!」佢2個爭住試
「不如灰姑娘試先囉!」呀芊奸奸地說...... (待續)

「下? 我?」我做出驚訝既表情
「慳下時間呀」呀芊講
「好呀」我就楚左係事先準備好既凳度,
我將隻腳放入鞋度, 唔入, 唔入, 唔入,
「灰姑娘著唔入呀!!」呀芊扯大聲線講, 引起台下哄動
「唔係呀?有冇搞錯呀?」呀盈冇啦啦係台後彈出黎
「唔係呀? 魔法師做乜係度架?」台下又係一次哄動
「唔係呀?點做戲架?」
「好kai呀,乜野話劇黎架?」
「我都唔明佢地做緊乜呀」
台下既討論聲越黎越大, 我偷偷望郭sir,郭sir捂住額頭冥想中
「旁白,汁生啦!!」我對佢大嗌
「哦哦哦...... 魔法師突然殺出,同灰姑娘示愛,聲稱要同王子爭,每一個女仔都希望身邊有兩個人,一個係英俊瀟洒既王子,讓自己贏得萬千寵愛;一個係法力無邊既魔法師,可以滿足自己所有的要求,到底灰姑娘選擇左who,永遠都係個......迷......」旁白講完,就將個咪交俾郭sir
「哦呵呵,鬧劇鬧劇,大家聖誕快樂啦下,放完假考試啦,大家趁假期好好溫習呀!!」郭sir講完
俾左下一位老師
「好野好野,完結啦!!」呀彤企係度拍手
「唉,因間實俾郭sir屌柒呀!!」呀風講
「唔緊要啦,大家好好啦」雲翼行講
「係啦係啦,最好係你啦!」我拍左雲翼行一下
「哦呵呵呵,希妺妺,你依加先知我最好呀?!」雲翼行講
「係呀,一直發挖唔到你呀!!」我講
「希妹妹, 係咪好可惜呢, 我同你冇得kiss呀!!」雲翼行講
「你食屎啦,冇就最好」我又踩左雲翼行一野
「希妹妹,唔好口是心非啦, 我知你好想既」
「一d都唔想呀!!」我大嗌
「唔緊要, 我勉強依加俾你錫一下啦」雲翼行講
「哼, 我先唔要呀,你試下再講, 我殺左你呀!!」
「好呀,你殺到先講啦!!」雲翼行講
「看招,降龍十八掌!!」
「手刀!!」
「化骨綿掌!!」
我同雲翼行係度玩玩玩,完全冇理過佢地
「啪啪!!」冇啦啦啪左一聲
呀謙? 呀謙岩岩拍木台?
呀謙望左我左一眼,轉身走
「呀彤! 呀謙做乜呀?」
「你過份!!!」呀彤都唔理我轉身走...... (待續)

「難道愛愛愛愛愛我對愛情已死心,貪高興狠心敷衍一下卻逼真的親吻我們這結局太不堪分不出真假的愛恨......」
我電話響, 電話把我從甜夢中拉出來
「......喂......」
「呀希,你唔係未訓醒呀?把聲咁既?成2點啦!!」呀彤激動咁講,
「下?哦呵呵,2點啦?哦呵呵......」
「快d黎火車站, 我地八個係齊度呀,今日平安夜呀,出黎倒數呀!!」呀彤講, 我先發覺,佢個邊好嘈
「下? 我仲想訓呀......」我小心翼翼咁講
「咩話?仲想訓?」呀彤個邊傳出一陣陣爆笑, 「十分鐘一定要到」
「唔係呀?十分鐘?平時我......」我未講完,電話個邊,就傳出一陣陣聲音
「嘟嘟......嘟嘟......」
「哼!臭彤,你去死啦,give you some coloer to see see!!」我對住電話鬧
火車站,
我去到,周圍都好多人,但偏偏冇佢地八個
唔係咁下化? 我遲左四分鐘扎喎!!佢地唔係咁小氣走左下化?
正當我想打電話俾臭彤個陣,
就有人拍我膞胳,一轉身, 呀謙, 呀彤, 呀盈......大定都係度
「臭希!你好似遲左喎?!」呀彤對我挑挑眉
「你想點先?」我反問佢
「爽快,咁今日食野個餐你出呀!」呀彤摟著我膞胳
「咩話?咁好過去搶?!」我講
「就係好過去搶」呀彤講
「喂, 唔好玩佢啦, 我幫佢出啦」忽然,有人幫我求情, 我望一望
呀謙?! 呀謙岩岩同我求情?!佢唔係嬲左我咩?
「費是係度阻時間呀,行啦!」呀謙望左我一眼,
原來係咁...... 呀謙都未原諒我......
佢咁既口氣,佢係咪好憎我呀?
依加既我,如俾人潑左冷水咁
我一定要搵個機會好好同呀謙道歉呀
「gogogo!! 但係我地去邊先?」呀彤問
「去行下街先啦!!」呀臣講
「不如我地男女分開行啦!」呀謙提議
「下? 唔好啦瓜, 我要同呀芊一齊行呀!」呀臣講
「車, 我夠想同呀軒行囉」呀彤講
「喂, 呀彤, 唔好嘈啦!」呀川講
「你...... 」呀彤好似想講野,但又冇講, 同臣謙「唔同你拗!」
平時既彤,應該連呀川都鬧埋,但今日硬係怪怪地......
「呀盈,feel唔feel到呀彤怪怪地......」我問
「超覺,佢今日會咁順攤?」呀盈講
「會唔會今日佢唔想掃興先咁順攤呀?」我假設, 呀彤到底搞乜呢...... (待續)

「我唔覺,平時再大日子佢都照鬧啦......」呀盈講
「講得岩,哇, 呀盈你咁醒的?不如我地拉開呀彤單孤傾呀?」我問
「嗯嗯,但唔好叫埋呀芊呀, 我怕佢壞事呀下」呀盈講
「......er......一係我,彤同盈三個行, 呀芊跟呀臣,男仔自己再分啦!」我講
「係咁先啦, 我地5:30係旺角中心等啦,電聯啦下」呀盈講, 我同呀盈就夾硬拖走呀彤
撘小巴中, 我同呀彤楚, 呀盈楚係單人位度
「呀彤,你今日都好似有d野咁喎......」我講
呀彤吃惊咁望住我,又望望呀盈,
好似想講野,但又冇講,只係搖搖頭
「呀彤,大家咁fd你都唔講?」我問
「到左某個時間...... 我就會講架啦」
「呀彤, 唔好咁愁啦你,都唔似你呀......」
「又係你講呢d野搞成咁既」呀彤講
「頼我呀你加?」我摟著呀彤膞胳
「算啦,大家唔好講啦......」呀彤講
「好啦好啦,但我一定會逼你講的!!」我講
「希,我知你為我好,多謝......」呀彤講
「大家姊妺黎架麻」我講
「喂,仲講,到站啦,」呀盈拍拍呀彤膞胳
但呀盈只係輕輕力,呀彤就彈一彈,嗌左出黎
「呀彤,你冇事呀?」呀盈問
「下下? ......um ...... 我冇事呀, 哦呵呵」呀彤心不在焉咁講
「我地落車先呀......」我講
呀盈一拖就拖起呀彤隻手
但係, 呀彤竟然大力fing開呀盈隻手
「我唔鍾意左手拖住人」呀彤講, 講完拖住我隻手
「呀彤...... 呀盈......」我望望彤,又望望盈
我感覺到, 我地既友誼將會崩潰......
唔通係關呀川呀盈事?!
呀盈俾左個眼神我,示意我安心
我地就係旺中行,一路上, 我都係企係佢2個中間
每次呀盈話行左, 呀彤一定逆佢意行右
但次次都係呀盈就呀彤行右
「呀彤,不如行去書局呢邊呀!」呀盈指住某個位
「冇興趣」呀彤冷冷咁講,望都冇望呀盈
「呀彤,一次啦, 我真係要去架」呀盈講
「係囉呀彤」我又幫下口講
呀彤望左我一睇,又望望呀盈, 「咁鍾意去,去飽佢啦,你係呀川條女好叻咩?!」呀彤放開我隻手走左
「呀彤!」我同呀盈都奪口而出,叫左呀彤個名...... (待續)

之後我同呀盈周圍搵呀彤,搵到5:30都冇,為有返返去原本約定既地方
呀彤咁大個,佢應該唔會有d咩事啦
旺中
「兩位小姐,買野買到咁忘我呀!」呀川講
「唔係呀, 呀彤冇啦啦行開左, 我地一直搵佢扎麻」呀盈講
「下? 呀彤?佢咪係個度囉」呀芊指住某個死位
「咩話?」我同呀盈都吃惊咁望住對方
「係呀, 我同呀芊行行下撞到呀彤, 於是我地三個一齊行囉」呀臣講
呀臣未講完, 我同呀盈就衝左去呀彤度
「呀彤!!」我一見到呀彤,即刻衝埋去攬住佢
「呀希?你做乜呀?」呀彤問我
「你知唔知我地搵左你成日呀?」我講
呀彤岩岩想講野,就俾呀盈打斷左
「係囉呀彤, 我地好擔心你呀」呀盈講
原本呀彤唔知呀盈係度個陣,心情都好好,識笑
但見到呀盈,即刻冇晒表情
「走啦呀希」呀彤拖住我行
我回頭望望呀盈,眼泛淚光
「做乜呀呀彤? 呀盈佢做乜呀?」呀川問彤
呀彤望左呀川一望,失望咁講, 「佢係你條女,自已唔識問架?」
「喂,你咩態度呀?」呀川用玩笑既口吻同呀彤講
「我咩態度唔好呀?你憑咩管我呀?你管好自己條女啦!」呀彤對呀川大吼
「你咁講咩意思呀?」呀川都收起笑容
「咩意思?想知咪問下你條女啦」呀彤冷冷地說
「你......」呀川想講野,但俾呀臣打斷左
「你地嘈完未呀?要嘈搵個地方楚低嘈啦, 係要係呢度嘈呀!」呀臣講
「係囉,大家冇為搞成咁啦!」呀謙講
「呀彤,你又唔肯同我講咩事, 講d唔講d呀」我又插巴咀
「得啦得啦,咪當我冇講過囉!」呀彤拖住我同呀芊行
「唔得!」忽然一隻強而有力既手,捉住呀彤
「喂呀川,你搞乜呀?」我問
「你同我講清楚,你岩岩講既野咩意思呀!!」呀川講
「你唔好逼我呀! 講左對大家都冇好處,凡事留一線好」呀彤冷靜咁講
但其實我知, 呀彤係死頂,因為佢捉住我個隻手,揑到我好痛
「你到底乜野事呀?你冇啦啦對呀盈做乜呀?你同呀軒既事都唔......」呀川未講完,俾人打打斷左
「收聲呀!!」呀彤對呀川大吼
「呀川! 唔好講呀!」大家都對呀川咁講
「咪住!」我打斷左佢地,問「呀軒同呀彤發生咩事呀?」
「呀希......」呀彤冇奈咁望住我...... (待續)

「講俾我知啦, 我知你地有好多野暪住我!」我講
「算啦......」呀盈忽然出聲, 「等我講」
「唔可以!」呀盈未講完,俾人彤斷左, 「唔輪到你講」
「咁邊個講呀?」呀川插巴姐入黎,企係呀盈前面護住盈
「呀川,算啦......」呀盈輕輕推開呀川
「我...... 鍾意左呀謙......」呀盈深呼吸講
「咩話?!」大家都好吃惊,特別係我, 呀謙同呀川,
我聽到個陣,心好似被掏空一樣, 呀盈...... 鍾意...... 呀謙......
「呀盈,你......你講多次......」呀川捉住盈問
「係!冇錯...... 我係鍾意呀謙......」呀盈講
「呀盈,你講我知, 你係講錯, 我係聽錯呀!」呀川不放過最後一絲機會
「算啦, 呀川, 我地不如就......」呀盈未講完,俾彤打斷左
「程禺盈!你唔講既唔係全部,等我講......」呀彤講
「黎曉彤,你......你同我講清楚!!」呀川捉住彤講
「好痛呀!放手呀!!」呀彤fing開川隻手
「呀彤......」呀盈叫住呀彤
「你唔好出聲,你知既唔係事實既全部」呀彤同呀盈講
「呀盈係鍾意呀謙,但係, 我同時都鍾意呀謙,仲有呀川......」呀彤講
「呀彤,連你......都......」完了完了,連呀彤都係
我依加企都企唔穩
「咁呀軒點呀?」我又問
「其實...... 我同呀軒係你係法國個陣己經散左,因為...... 呀軒係我表,表哥...... 我地,逼不得而,要分開」呀彤講
我望望呀軒, 呀軒都唔出聲,默認左
「係呀, 我今日咁對呀盈, 係因為呀盈有左呀川,仲去鍾意呀謙, 我......睇唔過眼......」呀彤講
「你地點可以咁架?佢地全部都係你地d fd黎架!!」呀風講完,望左我一眼,走左
「......」
「我憎你兩個呀!!你兩個有冇當我地係姊妹架?」呀芊講完都走左
而臣都跟埋去,丟下一句「好自為知」
而呀川同呀軒,一早默默地離去......
留下我,呀謙, 呀盈同呀彤......
我面對唔到呀,兩個我好姊妹,一個我愛人
眼淚一早己跑了出來, 我轉身離開
我唔要再面對佢地啦,
我去左某公園某長凳度楚住
我楚係度喊......點解...... 我依加乜野都冇
親情愛情友情...... 我喊左好耐好耐
「喊夠未呀?」忽然, 我身傳出一把我熟悉的聲音
「呀, 呀謙?」呀謙佢又知我係度?
「拿」佢遞左包紙巾我...... (待續)

「唔該」我接過包紙巾,抹走淚珠,一抹走,但又流返出黎
良久, 呀謙打破沉默
「呀希......跟住你想點做呀?」呀謙問
「我......可以點......」我講
「......」
「彤同盈都鍾意你,你又會點呀?」我問
「呀盈一定唔可以啦」呀謙講
「咁即係呀彤得啦」我失落咁講
「咁你想唔想?」呀謙冇啦啦問我
「下?」我吃惊咁望住呀謙
「咁妳想唔想我同呀彤一齊呀?」呀謙重複問多次
「......你自己決定, 唔好問我」我拎開塊面, 我唔想俾呀謙見到我依加咁
「......」之後大家都沉默冇再講野
我偷偷望左呀謙幾次,幾次都係係度睇錶
「你趕時間可以走先」我嬲爆爆咁講
「我唔趕」呀謙講
「......」我冇再講
「......」呀謙都冇,但都係係度睇錶
「我真係冇事啦, 你趕時間真係可以走先」我講
「得啦,咁上下啦」呀謙脫口而出
「你有冇聽我講架?」我問
「呀希, 我帶你去個我地方」呀謙講
我都末同意,就拖走左我
但係,有一種甜蜜湧上心頭
行左好耐
「呀謙,你做乜帶我黎呢度呀?」我問
呢度係籣桂坊,水泄不通,熙來讓往(係咪咁寫?)
「等」呀謙吐出了一個字
「等?等咩呀?」我問
「好快你就知」
「咁要等幾耐呀?」我再問
「好快」呀謙講
原來離我地十幾米有個台
「白,色,聖,誕,白,雪,白,倒,數?」個台寫住
「你帶我黎呢度倒數呀?」我問
「係呀,你想成晚楚係個度呀?要喊都喊夠啦,黎呢度放鬆(松)一下啦」呀謙講
「我又唔係你邊個, 我又有乜資格喊」我細細聲講
「你講咩呀?」呀謙問
「下下?冇呀」我否認左呀謙
「唔講啦,開始啦」呀謙講, 呀謙係想乙水我,先帶我黎?...... (待續)

「大家係咪等得好心急呢?」主持人講, 「白色聖誕白雪白倒數正式開始!!」
主持人一講,下面d人即刻哄動
之後,有好多歌手都黎唱,kenny,千嬅,王苑芝,張敬軒,ella等等等 ......
因為個個都唱d快歌,所以, 我都慢慢投入,站時忘記左今日既事
「呀謙!」我叫佢
「咩呀?」呀謙哄前個頭黎聽
「今日...... 唔該你呀」我講
「咩呀?聽唔到」呀謙講
「多謝你呀!」我嘗試大聲d
「下? 講多次」
冇奈,佢係咪聾架下?
「多謝你」我再講
「......」呀謙停左停, 講「我都係聽唔到,呢度太嘈啦,遲d講」
「......」我嚴重鄙視杜文謙
「你講野我聽到, 我講野你聽唔到!」我講
「下?你又講乜呀?」呀謙問
我都費是再講, 我搖搖頭
跟住出場個個係joey
雖然我唔係咁鍾意佢,但人地係真材實材既,唱得都好好呀
Joey一連快唱左幾首歌,抖左抖再講
「......um......司議呢,就叫我搞下d新意呀,今日平安夜, 我請幾個人上黎傾下計呀,好唔好呀?」joey講
佢掃左全場幾眼,最後目光停留係我同呀謙度
「就呢兩個啦好冇?俊男美女,近近地呀」joey落埋台拉住我地上去
人家怕怕的嘛!
呢度本身都嘈,加上呀謙上埋去,差唔多耳膜都爆啦
「岩岩睇你兩個好似好熟咁喎,兩位係唔係情侶呀?」joey問
俾佢咁問, 我都唔知點答, 我望望呀謙,咁岩呀謙又望住我
「我同佢一半一半」呀謙講
一半一半?其實咁係咩意思呀?
「係呢你追緊人呢?」joey問呀謙,
但俾我一囗拒絕,「唔係!」
Joey俾我既言行嚇親, 唔知點算
「呀希......」呢時, 呀謙叫我, 我但冇應佢,只係望一望佢
「哦呵呵,瞹眛呀?」joey講
「咁你地係點相識架?」joey見我地兩個冇講野,問
佢既問題又再一次令我地難堪
冇理由佢同講我同呀謙係咁相識架, 我望望呀謙...... (待續)

「意外!意外!」呀謙忽然講
「哦......咁......不如講下對對方既感受呀!」joey講
唔...... 唔係呀? 講下對對方既感受?
「火爆!粗魯!」呀謙講
「咩呀?咁你呢?又拽又壞!!」我唔顧淑女形象講
「哦呵呵,原來係咁既」joey講, 「不如講下自己既聖誕願望呀!」
「呀謙講先」我望住佢
「......um...... 希望我身邊既人,都有途陘尋找到真正的幸福!」呀謙若有所思咁講,仲特別望左我一眼
途陘......尋找到......真正的......幸福......
「好, 希望身邊既人,都有途陘尋找到真正的幸福, 講得好,咁你呢?」joey俾左枝咪我......
「下? ......um ......」諗諗諗,但就係諗唔到,諗到既又唔講得......呀!有啦!
「世界和平!!」我大吼
「世界和平!!好,但呢個願望交俾環球小姐,你為你自己許一個!」joey講
為我自己許一個?年年我都冇許過咩望,生日,新年,聖誕都冇......
呀臣同呀風成日鬧我,話我唔識幫自己諗下, 唔好成日顧住人地
我一直都唔多明,為人地唔好咩?幫都人又幫到自己,善莫大焉呀!!
「下...... 我唔知呀......」我講
「唔緊要啦, 講下啦」joey講,咁又唔好落人面, 講囉......
「......er...... 我希望可以同我依加身邊既人,永遠都留係我身邊!」我講,
呀謙...... 唔知你可唔可以永遠留係我身邊,即使係朋友......
「哦,但我都唔明,女仔唔係應該許一d得到白馬王子之類,但都好啦,2位落返去呀」joey講
於是, 我同呀謙就落左去,一直係度玩
「各位,今日玩得開唔開心呀?今晚最重要既環節──倒數呀!依加係晚上11:53分啦!!」
主持人講,台下便一陣狂呼, 我同呀謙都跟住嗌!
「29!28!27!26!25......16!15!14!13!12!11......」到左餘下十幾秒
我仲high到狂揮手上既熒光棒
「呀希小心d唔好跌親呀」呀謙提醒我
「邊會呢, 我跌我就係傻婆啦!!」我拍晒心口講
但一講完, 我旁邊個個人唔小心撞到我,搞到我失平衡
「呀希!」呀謙一手摟住我的腰, 我同呀謙維持呢個poes幾秒
「啪!!」忽然,上空啪了一聲,一道火焰天空七彩斑斕,煙花如瀑布般散下,璀璨生輝
原來己經倒完數,12月25日了,個個人都笑顏逐開
「好靚......」我岩岩想讚嘆個陣,下一秒, 我己經講唔出聲
因為呀謙用好快既速度,令我企返好,
但下一秒, 呀謙在我的臉脥上吻了一下
緊握著我的手, 講
「呀希, 我希望你得到幸福, 有途陘尋找到真正的幸福!你明白嗎?」
「呀謙......」我措手不及咁望住呀謙
「呀希,你明唔明白呀?」呀謙再重複問我...... (待續)

「明......明瓜......」我點點頭
「......」呀謙冇講野,只係直勾勾咁望住我
「呀謙......」我輕輕喚著他
「呀希, 我一直以黎, 我對你點你應該好清楚架!」呀謙講
「......嗯......你一直都對我好好,好似大哥哥咁......」我講
始終呀謙都冇再話鍾意我, 我費是會錯意
但係, 係呀謙眼神中,有點閃爍,自言自語
「......大哥哥......大哥哥......哼!」呀謙忽然冷笑, 講
「原來人地一直當你係大哥哥,你仲一厢情願,自作多情......」
呀謙慢慢放開隻手
「唔係呀, 呀謙!」我捉返呀謙隻手,
「我...... 我......岩岩個願望...... 我......」我講講下,又講唔出
「願望?」
「我...... 我話...... 我希望可以同我依加身邊既人,永遠都留係我身邊......」
「呀希你......」呀謙吃惊咁望住我
「我個陣諗, 唔知你可唔可以永遠留係我身邊,即使係朋友......」我繼續講
「點解要朋友呀?」呀謙問
「因為......因為......」我霎時又講唔出
「因為小樂?」呀謙問
因為小樂? 我唔知,但唔多唔少都關佢事
我點點頭
「真係,你點解係要將我拱手讓俾小樂呀?」呀謙講
「咁如果唔係,你就會失去一切呀!」我講
「咁又點呀?同呀怡訂婚個陣,一早我選擇左你, 我就知我會一冇所有啦」呀謙講
「咪係囉,當時我離開你,都係唔想你一冇所有呀,當年係,依加都係!」我講
「呀希......咁你即係話你係為左我,你同當年一樣?你仲係鍾意我?」呀謙問
「......」
「即係係啦!你之前做乜要講埋d咁傷我心既說話呀?」呀謙講
「咁唔係可以點姐?」我紅著眼講
「岩岩joey都講啦, 唔好成日諗人地呀, 你為你自己許一個!」呀謙講
「咁......」
「呀希, 我地唔好理其他人, 我地一齊啦好冇?」呀謙問
「呀謙...... 呀彤同呀盈都係我姊妹呀!」我講
「我聽到呀彤同呀盈呀彤同呀盈講鍾意你, 心真係被掏空一樣呀! 但我又可以點姐?」
「點解你唔識幫你自己諗下? 唔好成日顧住人地啦!」呀謙講
「我......」但我未講完,俾人呀謙打斷左
「呀希, 夜啦,你又冇事啦,返屋企啦, 我送你」呀謙講
頭也不回就走左
我只好默默跟係佢後面...... (待續)

「各位同學,可以開始作答啦!」監堂老師一聲令下,大家都動筆了
我地己經放完假啦,並踏入考試週,
今日己經係第三日啦,考中文,
哈哈,中文係我強項, 我唔洗半個鍾做完啦
至於我同呀謙......
都冇乜啦, 我地都有2句既
之係比之前冷淡左,好似對我死左心咁
冇左之前望我個個神情,好似對妹妹咁
其實都好既,咁對呀彤呀盈公平d
呀彤呀盈......自從個次之後,
呀盈同呀川冇再講過野,
呀盈好似係呀川心中消失左
我同佢2個, 我都有理佢地,
只係我冇之前咁親密啦
如果你2個好姊妹鍾意你鍾意既人
你可能唔至咁對佢啦
於是,曾經紅極1時既我地,
各行各路,互不相干
「times up!停筆」監堂老師1講
水靜河飛的班房,頓時嘈吵起來
「呀希,你識唔識呀?」同學甲問
「勉強勉強」我講
「下?中文第一既你都勉強?咁我實死啦!!」同學乙講
「末必末必」我講
「呀希呀,第三頁第六題你寫乜呀?」同學丙問
「......er ......太長我忘記左啦」我尷尬咁講講
「讓開讓開!」係同學甲乙丙後面,傳出一把雄性聲音
「呀風?」又係呀風,汗
「呀希, 今日派份maths卷係我係考場矗立咁多年第一份合格既卷, 去慶祝呀」呀風手舞足動咁講
「哦呵呵,好呀, 係呢,今日中文考成點呀?」我問
「尚可,多得前幾日幫我個個地獄式訓練扎」呀風拍拍我膊胳
「呵呵,咁請我食飯啦」我講
「依加咪請你去慶祝囉,行啦」呀風一扯扯起我
「我想問,有邊個去呀?」路途中,我問呀風
「呀謙, 呀芊, 呀臣, 呀軒......」呀風講講下停左
「做乜唔繼續講呀?冇啦?」我問
「唔係」呀風搖搖頭, 講「呀彤同呀盈去,你會唔會唔開心呀?」
「唔會」我講
「咁行啦」呀風講, 但係,惡運依加先開始...... (待續)

「唔係呀呀希, 我都係覺得去渝淋閣食呀!」呀風問
「你請你話事啦, 我冇......」我想講我冇所謂,但係我末講出口,
我就俾人撞左一下
「唔好意思呀!」我連忙道歉
抬頭一看,一個上左三十歲既中年男士,
「痴線架!!」個個人好似聽唔入我個道歉,
鬧左我一句
「喂,明明係你撞到人喎」呀風伸張正義,幫我大鬧個個人
「喂,依加關你乜事呀?」個個人講
「對唔住呀!對唔住呀!」我同個個人道歉,再同呀風講
「呀風,算啦,冇心架!」我同呀風講
「呀希,你洗乜同佢道歉呀? 」呀風講
「咩話? 你係計樂風?」個個人問
「係,sowaht?」呀風問
「該死!」個個人往地大大力蹭一下
「咩話?你話我該死?」呀風一聽到,差d扑埋去打佢
個個人又似冇理呀風,匆匆忙忙咁打電話俾人
「喂, 呀泉,計劃提前進行!」個個人係電話講
計劃? 提前進行?佢到底講乜呀?
「喂!咩計劃咩提前進行呀?」呀風問個個人
但個個人並冇睬呀風,索性行開講
但我隱隱若若聽到佢講咩:
「......特發事件...... 杜文謙...... 計樂風......不容有失......一定要......合理賠嘗......受傷......」
原本都冇事,但一聽到受傷兩個字,我就衝埋去
「你講咩話?呀謙?呀謙做乜呀?你講咩受傷呀?你講我知呀!!」我講
「痴線架!!」個個人fing開我隻手,轉身走左
「唔好走呀!!」我大嗌
「聽到味呀?!叫你唔好走呀!!」呀風想追出去,但係俾我阻止,
「呀風,我地去搵左呀謙先呀!!」我講
「嗯!!」
於是我地就匆匆忙忙咁去指定地方,
「冇人既? 呀謙呢? 個個人呢?」我東東張西望
「係個邊呀!」呀風忽然指住個後巷
「呀謙!」呀風末講完, 我就衝左入去
呀風都跟貼我尾,一入去
就見到呀謙同五,六個大隻佬打緊
「呀謙!」我同呀風同時高叫呀謙個名
於是我同我呀風加入混戰...... (待續)

「呀希你有冇受傷呀?」呀謙問我
「冇, 我...... 呀!!」我一時冇留神,
同呀謙講野,俾人用棒打到我左手一下
「呀希!」呀謙見狀,即刻打走周圍既對手,衝埋落
「有冇事呀呀希?」呀謙問
「冇, 我仲ok!」我用右手遮住左手受傷個度
「唔得, 呀希,你走呀!」呀謙講講下野
後面黎左個大隻佬係後面偷襲呀謙
「呀謙小心呀!!」我推開呀謙,自己亦避開左
可能我受左傷,d人個個都黎攻擊我
佢地咁做,明顯係想消磨我地體力
再咁落去, 我地即使冇受傷,都會體力透支
我勉强用右手頂下d招
暫時我左手都出唔到力,一用力
我隻手就有一陣陣刺痛
而呀謙同呀風都過黎幫我
「我地...... 我地......走啦,大家都冇力呀!」我講
「照情形對我地好不利,即即使一個打一個,我地都應付唔黎」呀謙講, 呀謙打左人一拳
「咁我地點走呀?」呀風問, 呀風一腳踼走人地
「我同風拖時間, 呀希你快d打999,之後再打俾呀川」呀謙講
「好!!」一聽呀謙咁講, 我就掏出手機,
「想打999?冇咁易!」某大隻佬講,說罷
佢攻破左呀謙,一手拍走我部手機, 我打左3條9架啦
爭一個通話鍵未按呀!!
呀謙一手扯開個個人,打左佢一拳,
但俾個個人接住左
「呀風呀謙,帶我去手機個個位置呀!」我講
「好」呀風打左某人一拳
「好難呀!」岩岩個個人,行到手機一腳踩爆左
「你個仆街呀!!」呀風衝去個個人度打佢
但忘記左我,佢一走,d人又衝我而黎
大隻佬甲一手反鎖左我右手,郁都唔郁到
「呀希!」旁邊既呀謙又俾大隻佬乙纏住
冇辦法啦, 我唯有靠自己
右手唔得,只好用左手啦!
我強忍住手既刺痛,合上眼
向後一打,即使我用盡全力,
我左手都係冇力,但係,又唔多痛咁
「即使用盡全力, 左手都係冇力」
忽然我耳邊傳出一把熟悉的聲音──呀謙...... (待續)

「呀謙!」
「呀希, 有冇事呀」呀謙問
「尚可」我講
「唔好死頂呀呀希!」呀謙講
「冇呀」我講
「仲唔係死頂?你個個位瘀晒啦!!該死!!」呀謙捉住我隻手指住俾我睇,講
呀謙係咁打岩岩打我個個人,
忽然,有一道閃光在我眼中,
其中一個大隻佬, 拎住把刀, 向呀謙刺去
「小心呀!!有刀呀!!」我講
「呀謙!! 有刀呀!!」呀風講
呀講唔知做乜,好似聽唔到我講野咁,
我冇時間諗,於是我衝向呀謙度,
推開呀謙, 呀謙仲唔知乜事咁,
我推開呀謙,佢跌左落地下,
而我都跟住呀謙跌,
我右手手肩俾佢把刀介了一下
「呀!」
「呀希!」呀謙衝向我度
「仆街呀!!」呀謙衝去個個人度打佢
「小心呀! 呀謙!!」我講
「Bibubibubibu──」
忽然,外面傳黎一陣警笛聲,太好啦,救星到啦,
「仆街,察人黎啦,」個班人一聽到,
即刻各自雞飛狗走,
「呀謙呀風,你地有冇事呀?」我問
「我問你先岩呀,」呀謙講
「咁樣好危險架,好采察人岩岩到架!」呀風講
「喂喂喂,我大大話話都係你救命恩人啦,咁同我講野架咩咩?」我講
「係啦係啦, 救命恩人!!」佢2個各自打左我個頭一下
「講錯呀, 呀希係呀謙救命恩人, 唔係我救命恩人呀!!」呀風講
「咩呀? 我冇救你咩?」我問
「冇呀」呀風講
「我有呀!!」我講
「冇!!」呀風講
「有!!」我講
「我呢d英雄豪杰洗鬼你救呀?」呀風講
「就係洗!!」我同呀風一直拗拗拗,
呀謙終於忍唔住啦,
「呀希我請你食飯呀!!」呀謙講
「好呀,學下野啦, 計樂風」我講
「喂,我冇得去既?」呀風講
「因為你唔係我救命恩人呀嘛」呀謙講
「你!!仆街!!」呀風俾我地激死!!!事情表面上結束,其實惡運只係岩岩開始...... (待續)

「喂,起身啦!!」忽然,有把聲音傳出
我不耐煩地轉POES
「啪」一聲巨响後,剛剛的人又說話了
「豬!起身啦!!」
我朦朦朧朧地伸了伸懶腰
出奇地, 我並沒有發火
等我完全清醒來, 我才看見
我看到了謙那張帶位桀驁微笑的臉
「咦? 呀謙?你黎左啦?」我講
「費話」謙反了我一眼,接住說
「呀希呀呀希,雖則今日考晒試,但你都不用這麼心急趕去和周公約會呀?」
杜文謙嘲笑地看看我
「哼!」我看看錶,己經一點許了,課室只剩下我和他了
原來己經放學了,我沒有理會他,收拾好東西
「呀──」忽然,他尖叫一聲
「神經」我狠狠地瞪住他
「呵呵呵, 我忽然想起一些事,不禁嘆息一下,不用理會我」他裝作害羞地說
「切,你那些叫尖叫不是嘆息」我繼續我手上的工作
良久
「我餓了」他忽然說
「關我啥事?」我問
「呀希,你忘記了你欠我一個午飯呀!!」他說
「神經, 我那有?!」我問
「有有有,你是我救命恩人呀!!」他說
「對! 我是你救命恩人,那為什麼叫我請?」我拒議地說
「因為你是我救命恩人呀!!」他再強調
「你......」我一時三刻鬧不了他, 我再說
「好! 我請你出錢」我說
「好!!」他對我邪邪一笑
我總是覺得,他那笑容,帶給我不安
笑容...... 我忽然想起雲翼行......
「行得未呀?」謙問
「行了啦!」我冇力地反了他白眼
「那就行吧!」他主動地幫我提書包
「等等!」我叫停了他
「幹啥?」他問
「我,要,去,尿,尿!」我對住他大吼,他果然面紅了
於是謙就先去我地約好既地方等
但係......卻出現了一位不速之客...... (待續)