2007-9-3 06:07 PM
糖打令:D
轉`殯儀業....「解穢酒」同「英雄飯」
同大家講解一吓「解穢酒」同「英雄飯」.....因為好多人都以為係同一樣嘢。
按照廣東人傳統習俗，辦喪事後(即先人上山後)，家屬都會安排酒菜招待親朋戚友，如果葬禮後需要做法事，完成法事後設嘅酒菜通常叫做「解穢酒」。「解穢酒」指散席後仍帶孝在身，直至守孝完畢至設「英雄飯」。守孝時間通常係七七四十九日，因為每個「七」都會打齋(俗稱做七)，法事過後，家屬都會招待親友飲食齋菜，俗稱「食七」，但仍有部份古老客家人、圍村人守孝一年至設「英雄飯」脱孝。
如果家屬响先人於下葬或火化後唔做法事，而其後家屬所設嘅酒菜通常叫做「英雄飯」，現今社會大部份都人生活繁忙，通常選擇設「英雄飯」，即便示除即脱孝。
「解穢酒」；通常以 7 道素菜及 1 款糖水為一席，「解穢酒」通常將甜品作為第一道菜，次序倒轉嚟食，意思係希望將先人嘅福留俾子孫。所以；一般都會將甜品當作第一道菜嚟食。
「英雄飯」；係以 8 道素菜及 1 款糖水為一席。雖然名稱、意義上都各有不同，但其實「解穢酒」同「英雄飯」目的都係為家屬、親友作為除憂傷、解污穢嘅意思。
2007-9-3 09:57 PM
C;
[color=#2d0000]原來如此 -0000-
一直刀想知,,唔該哂!=][/color]
2007-9-5 12:29 AM
_Sayuriwing`
[b][color=#000000]咁駛吾駛倒轉食=0=?[/color][/b]