2007-10-7 10:07 PM
╒Ｓｕｋｉ╛
[轉]教師營""真人真事
我地亞SIR前幾日同我地講左個鬼故(真人真事，我亞SIR係目擊証人)，唔太恐怖，但係令我相信有鬼同咒語o既存在。話說我地亞sir幾年前，去左個教師營(d老師一齊搞)，佢地去左烏溪沙一個營地，日頭入去放左行李就出左去活動，玩到11點先返宿舍，我地亞sir正想開門o既時候，發現個門推唔到入去(個門唔係拉o既= =")，佢我亞sir心諗，一定係有人整蠱佢地啦，有個女老師走黎試下推，都推唔開，喧就有個好大隻、教體育o既亞sir出馬，咁佢出力推都推唔開，咁我亞sir就走去屋後面，就係個窗「裝」下點解推唔開啦，一睇就見到個衣櫃壓住個門，個櫃都唔重得去邊姐，咁佢就返去，同個大隻亞sir講返個情況，叫佢大力d，但都係一d用都沒，咁d人就去曬屋後面「裝」下啦，就得返我亞sir同個女老師，個女miss同我亞sir講，不如比我試下啦，咁我亞sir讓開左，個miss伸出3隻手指(好似"ok"個手勢)，放係門柄上面，口中唸唸有辭，門就打開了，我亞sir問佢你o岩o岩講左d咩，個miss就話，係佢亞婆教o既，如果遇到「烏糟野」就咁做，佢唔教得我亞sir，係呢時候，d人就返返黎，就話，「好得意啊，個櫃識郁架喎!?」，咁佢地就嚇到執埋行李，坐係球場傾計唱歌到天光。我亞sir話鍾意就同人地分享下，大家一齊傾下。