2007-10-29 09:04 AM
馬主之家會長
(轉)紅軍唔輸夠運1:1阿仙奴
在歐聯連番受挫簕「紅軍」利物浦，昨晚英超主場未能踢出翻身仗，雖然憑隊長謝拉特開賽八分鐘罰球勁射破網，但下半場末段被阿仙奴中場法比加斯追和後，再被壓住打，打和一比一已算萬幸。
至於早場方面，保頓効新領隊加利麥臣上任後首度領軍之下，主場未能全取三分，只能同阿士東維拉打成一比一，但由於同日打比郡主場以○比二不敵愛華頓，保頓得以較佳得失球差壓倒打比郡，唔使做包尾大幡。
保頓1:1維拉 新帥冇料到
兩支榜末球隊同於主場應戰，但表現一樣唔好，保頓雖然和波取得一分，但實際表現唔算好。保頓上半場廿二分鐘先開紀錄，安歷卡於左路博到犯規，親自主理罰球射成一比○，新上任簕領隊加利麥臣開心到跳起高舉雙手。
保頓其後加強攻力但未能再取得入球，反於換邊後被阿士東維拉追和，維拉前鋒艾邦拉荷右路近底線大力狂抽埋中路，皮球撞到拍檔勞基摩亞胸口改變方向彈入，最終雙方握手而和。
另一場愛華頓憑阿迪達及耶高保上下半場各入一球，以二比○輕取打比郡。打比郡輸冲呢場之後，畀保頓以得失球差趕過，要効英超暫時排包尾。