大家好！我是住大埔的。
我地公司想遲d搞個校服party，想用紅色做主色，咁宜家睇中左用你地呢間(奇怪!?)。
我想請問點解你地的校服好像有2種的？
請問那一類人會穿兩截紅色格仔裙，那一類人會穿連身裙？
因為我聽過2個版本，一個係話中六中七先會著兩截紅色格仔裙；一個版本係話個件係舊款校服，慢慢會fade out…
請問邊個版本先岩呀？因為我地想買兩截紅色格仔裙個種…
同埋邊度買會平d呀(因為著一次咁大把)？我地想買15-20套，邊間最平呀？
謝謝！

em .... 舊校服其實主要以黃啡色為主色 ,
舊款 ge 夏季校服係一條黃白全身格仔裙連啡色腰帶
冬天係黃白格仔shirt , 校 tie , 啡色連身裙 , 啡色腰帶

而新款校服主要以紅白色為主 , 而且有分初中同高中款式
初中(中一至中五)夏天會著白色果種連身裙
而高中(中六,中七) 著 ge 係白色短袖 shirt 衫(後面扣鈕)加薄身紅色格仔半截裙
冬天款好似無分初中高中 , 主要都係長袖白色 shirt(前面扣鈕) 加 厚身 ge 紅色格仔半截裙

由於我讀五年都係著舊款校服 , 所以對新款 ge 資料唔夠全面 ,但希望幫到你
如果想知更多點解唔去我地學校問問??
我諗我地 ge 訓導老師應該好樂意解答你 ge 問題XD

如果想買 , 我地大多數學生都會起昌運中心二樓一間賣校服 ge 店舖買
如果無記錯 , 間野好似叫豐昌順
但價錢方面真係答你唔到 , 你試下同果度 d staff 傾下有無得比 discount 囉 XD

謝謝你詳細而有用的回覆…