鍾舒漫同學取笑內衣娘

鍾舒漫昨日為內衣品牌活動擔任剪綵嘉賓，還即場擺出誘人甫士展示線條美的身形。問到她挑選內衣的喜好，她說：「我係近呢兩、三年先識得揀內衣，之前都係媽咪幫我買，仲要全部都係肉色，我覺得無所謂，都係自己睇o者 。後嚟去咗外國讀書，自己洗內衣，有啲女仔同學見到，就話我做咩着埋啲媽媽型嘅內衣，叫我唔好着，我就開始自己買喇，會揀啲女仔啲嘅款式。我鍾意淨色，唔好太多喱士。」

可會夠膽行內衣騷？鍾舒漫說：「唔係夠唔夠膽，係我覺得自己無本錢行。（如果真係有人搵你行呢？）我驚佢哋會失望，等我再瘦啲先，其實我仲有好多肉，不過我又驚我瘦咗之後有啲地方啲肉又無咗，都係等我瘦咗先再諗。」

source: 遊客無法瀏覽此圖片或下載點，請先註冊或登入會員。