[attach]378762[/attach]

今日伊安要同各位巴打講講華倫吞皇馬五蛋，成隊波真係可以話無叉用黎形容，若然各位巴打仲當華倫係西甲第三力量，未免太過天真啦，至於歐聯及西班牙盃，伊安都唔睇好呢隊波有作為；講返呢場輸五球係點輸啦

第一球：皇馬翼鋒迪馬利亞接應隊友奧斯爾傳送，左邊帶波殺入禁區俾波俾無華倫守衛睇住既希古恩射入，華倫門將迪亞高艾維斯得個望字

第二球：皇馬球星C朗拿度係左邊殺入同入第一球攻勢相近既禁區位俾波俾迪馬利亞射入，華倫門將迪亞高艾維斯又係得個望字

第三球：C朗拿度今次憑速度左邊爆入禁區，今次射近柱附近入，華倫班後衛截佢唔住

第四球：迪馬利亞係左邊斬入去，奧斯爾二傳俾C朗拿度射入

第五球：迪馬利亞單刀面對華倫門將迪亞高艾維斯，射入第五球

以上五球都係上半場入，下半場變相係「垃圾時間」，最後華倫淨吞五蛋收工，當中頭四球係防唔住皇馬左路攻勢造成，認真係豆腐渣後防，抵打籮柚丫成班後防，搞到華倫門將迪亞高艾維斯兩隻手都擺係頭尾枕度，認真無奈，而華倫上下真係輸鋪杰野後，顏面何存

而家皇馬繼續排西甲第三，華倫排第七，距離歐聯位仲爭四分，不過，諗歐聯位之前，華倫當務之急係黎梗幾日要收拾心情，擺脫呢場陰影，要部署加強防守皇馬左路攻勢，周中係西班牙盃再同皇馬鬥過，落後兩球始終仲有得追既，不過當擺脫唔到陰影既話，等同等死，伊安係度只好祝華倫好運d，輸少當贏啦