[attach]378765[/attach]

伊安要恭喜英乙球隊巴拉福特繼上屆卡迪夫城之後，另一隊以非英超球隊身份殺入聯賽盃決賽，對手係英超球隊史雲斯，能否一圓奪冠夢，二月廿四係溫布萊球場要繼續有超水準演出先有機會

講返巴拉福特殺入決賽之路，真係由第一圈打起，一路殺入決賽，殊不簡單；第一圈作客對諾士郡，法定時間無波入，加時險勝一比零，晉級第二圈；第二圈又係作客，對住屈福特，險勝二比一晉級；第三圈主場對保頓艾爾賓（註：唔係我地識既英冠球隊保頓），法定時間二比二，加時贏三比二晉級第四圈；第四圈對韋根，零比零去到十二碼先贏到，晉級半準決賽；半準決賽對阿仙奴果場，係阿仙奴其中一場失盃比賽，一比一打和，又係靠十二碼入準決賽；半準決賽首回合先贏維拉三比一，雖然之後次回合輸返一比二，但總比數仍然以四比三贏維拉入決賽

睇返果七場波，有四場要打加時，更有兩場要打十二碼，仲要兩場十二碼都係要對英超球隊，以英乙班底黎講，可以話難能可貴，若然贏埋冠軍，將為英格蘭足球史再寫下新既一頁，更加能夠贏得下屆歐霸盃外圍賽資格，相信巴拉福特必定為呢個目標而付出更大努力