有時候男人實在太過自以為是..
總係認為自己有義務報答對自己好o既人..
甚至唔理自己對果個係咪真係有所謂o既愛..
咁算係咩？只不過係用大家o既痛苦換黎自己良心o既好過.
呢D叫咩道義？算咩報答？簡直廢話.

男人呀.. 呢D咪就係男人囉..
總係以為自己可以魚與熊掌.. 皆可兼得.
口頭上講到自己點委屈點偉大.
但係佢已經唔記得左呢D係佢一手造成.
講咩道義呀... 自以為是 !!
佢o既出發點可能係唔想HURT個女仔.
但係最後HURT到o既係咁多個人.
呢D咪就係男人o既自私囉..
把口講得幾好聲呀.. 為左報恩..
但係其實咪又係出於自私？？

我覺得如果你仲愛佢o既..
搵日等自己心情平復D o既時候不妨同佢講道理.
同佢講清楚你地之間o既問題.
如果佢明白事理o既你地o既問題可以由適當o既途徑解決.
但係到最後佢都係唔明而你又介意果個女仔o既存在o既.
咁你先決定離開都未遲.
你要記得同佢講唔好做會令自己後悔o既事..
唔單止要同佢講.. 仲要同埋自己講.

點都好.. 當係最後一次通牒囉..
其實冇話所謂阻唔阻住囉我覺得..
要講阻住o既.. 另外個女仔都可以講係佢阻住你地架LA..

其實由旁觀者黎睇..
個女仔同你一樣都係咁慘..
要憎要恨o既人應該係個男仔.
因為係佢一手造成..

冇錯你講得o岩..
你喊你痛苦都改變唔到D咩..
雖然係會控制唔到..
但係你只能夠忍耐..
試下開通下自己..
說服自己..其實都唔係想像中咁愛佢o者..
要令自己明白都係愛自己多D..
咁樣對自己會好D..
至少冇咁痛先LA..
你一定可以做到架.. 只係在乎你肯唔肯去試.
一直咁提醒自己好愛佢好愛佢..
根本幫助唔到D咩..
嘗試下LA.　　=]

其實我D意見唔算得係咩..
每個人都有唔同o既做法諗法.
如果你係覺得自己係做得冇錯o既..
放膽去做..
其實唔洗理究竟做得o岩定錯..
所謂o既愛情. 根本冇對與錯之分..
=]　TAKE IT EASY.