我是1個相信呢個世界有靈異既人..*
但我都幾大膽..對呢方面都好感興趣..*
有1次..大約係上年差唔多年尾到啦..但仲算係夏天*
我同1大班朋友係8點幾果時係黃大仙玩,,傾計..*
就講開舊警察宿舍啦..
話說係好耐以前聽聞果時好多警察都爭人好多錢..*
好多時都會有人追上門,,你地都知嫁啦..以前d警察邊會好似依家咁..
有好多人追到跳樓自殺.."就係因為太多呢d事..所以舊宿舍就已經封左..
依家係旁邊起左棟新既..*但到依家舊宿舍都仲會有管理員睇住..*
好喇,,略略講完舊宿舍既事喇,
雖然呢個經歷唔係咩太恐怖..
但你地試下去代入我既角色..去感受下個故事..
你可能就會感覺到當時情境"[ps我諗間開左打,,你地會易睇d^^]

係時候入題了"

就係我地成班講完之後成班都抱住1個玩玩下既心情就係圍牆爬左入去啦..

因為d圍牆都唔高..加上有其他男仔抱我地入,所以就好易入到.."

初初入到去都未上樓,,感覺無咩特別''之後咁岩就有電話打黎啦.."

其中1個朋友就話..[喂..我地爬番出去先丫..呀達果d話黎wo]

咁我地就爬番出圍牆外,,坐係到等果2個朋友到..

佢到到既時候都已經11點幾.."我地1團人大約10個到啦..

之後就爬入去啦..點知....剛好係全部人爬晒入去之後..

咁岩係遠處見到有個人行過.."咁果個人就藍色衫既..

個個都以為係靈體" 我就話係管理員..搵個地方哩埋先.."

咁個個都搵牆角果d哩埋..因為我前面有個房.咁我就入左去啦..

入到去..我就面向住1間類似廚房既房啦..入面好亂連磚都比人敲爛晒..

我再望入d..因為隻眼慢慢慣左黑啦..

開始睇到入到既野..我就望到有架..小孩友要用腳行果種玩具車.."

之後我就聽到我契哥把聲話[[妹..走左喇,,出番黎啦'']]

我就行番出去喇..咁我地正式上樓上啦.."

佢地就話..[[不如去最猛果邊果棟丫..]]

咁有見過呢棟舊宿舍既人都知有2條算係零空既天橋,連接2邊既宿舍.."

我地就行過去啦...行到去我同呀達就行頭..我同佢仲連果1層既間間屋都入.."

而其他朋友就係後面跟住行..每次入去之前我都有敲門..

因為係表示禮貌話比佢地知..我地要入黎喇"

咁起初入頭果幾間,都無乜野..之後入到1間,,我同達就入埋果間屋既房..

因為果時好熱,,熱到出汗..但果間房無開窗但好凍,,好似開左冷氣咁..

咁我就同呀達講..[[我地都係出番去啦]]..之後再入第2間屋1入到

我就爭d踩到個"神主牌"我就叫呀達小心d..但果間都無咩事..

行到差唔多最後幾間..咁我地就企左係到點煙..咁點完煙就繼續行.."

點之....我同呀達行到去最後果間..我就照常咁敲門啦..再推門..

我好大力咁推..推唔到,,呀達就話[[你睇下門後係咪有野頂實左]]

咁我就伸個頭入去睇下,,,又無啵..咁就心知不妙啦..

正當我同呀達1轉身叫其他人走果時..

果時係夏天所以好熱..但無啦啦身後就摑起大風..

我同呀達就同1時間望去後面,,,

就見到有個女人既頭係最後果間屋到伸出黎..

我就叫前面d朋友行快2步..咁可能個個都心驚啦"仲行得快過我...

行落左幾層幾後到左某1層樓梯我就見到牆有紅油寫住[欠債還錢天經地義]

咁係旁邊間屋我就見到有個人係入面..我即刻叫上去..[行第2條樓梯走丫]

之後落到地下d人先停係到..之後我諗住睇下齊唔齊人啦.."

我一向右邊望..我就見到有個男人係棵樹到吊頸"

跟住我眨眼就唔見左..我就問我前面個朋友..你見唔見到果邊有個男人..

我個朋友就話..[[你唔好嚇我呀..]]

咁佢好驚啦..諗住向左邊跑去搵其他朋友..

點知1轉身個口就撞左落第2個朋友個膊頭到,,即刻流血..

最後係我地就爬緊出去果時..有d管理員就見到出面d朋友.

果時我未爬出去..出面就細細聲叫入黎..[唔好爬出黎住.]

咁我同個朋友就趴低左..

就聽到個管理員話[[你地呀,,玩還玩唔好係到玩丫.呢到唔係你地黎玩嫁]]



最後...成班出番去果時就講番自己有無見到野..
咁其中1個朋友就話...原來係我地點煙既時候..屋入面有個男人問佢借火"
我同呀達就講番自己見到既野出黎..
本身佢地都唔係好信..當我講到身後摑大風..
呀達同我同1時間講出口..見到有個女人伸個頭出黎望住我地"
跟住佢地就信喇,,就話,,夠喇夠喇..唔好再講喇.."
之後我地都無入過去玩喇"


[[最後...寧可信其有,,不可信其無..請唔好回..真定假呀"呃人既"好假呀呢d字眼..
因為呢件事係千真萬確..就算我講笑都唔會搵呢d黎講..]]
[如果有人咁好耐性睇晒既..咁好多謝你比左唔多唔少時間去見呢個故事^^]]

你好大膽呀