|
「因為小樂比你優秀?」謙父講
「......」我點點頭,佢真係比我好好多倍
「呵呵呵」謙父又係度笑, 講「但你又知唔知...... 呀謙覺得邊個最好......」
「......」
「我知道你心中都有左答案,個個就一定係你......」謙父講
「......」
「可能, 係其他人眼中,小樂各方面都比你好,但係, 係呀謙心目中,除左我同呀漫, 呀謙最重要個個就係你, 我重複呢句好多次啦」謙父對我笑了笑
「但係......你地唔係應該比較鍾意小樂架咩?點解你仲要同我講呢番野?」我低下頭,咬住嘴唇講
「哎也,你又要我重複講多一次, 呀謙最重要個個就係你,佢願意為你放棄所有,你,就係呀謙既所有」謙父講
「......」
......呀謙最重要個個就係你,佢願意為你放棄所有,你,就係呀謙既所有......
......呀謙最重要個個就係我,佢願意為我放棄所有,我,就係呀謙既所有......
「呵呵, 我講多左,但係呢番話, 我係代呀謙講架」謙父遞左本簿俾我
我一睇, 我差小小感動到喊,簿面寫住:
「還回杜文謙心中那顆心的時候,卻不能整整還回」
個本簿...... 係呀謙既日記薄?但係......內容......好簡短
「10月9日:
今日,同佢分開左,成個人好似冇左靈魂咁, 佢真係咁狠心?無論我多麼努力挽回這段情?」
「10月10日:
今日,要耐心小小,將今日佢同我既事寫晒落去,今日,當我正懷疑我係咪可以放底佢既時候,佢卻出現係我面前, 係我面前喊, 我好想好想幫佢扶走佢既淚水,但係依加, 我並唔係佢既邊個,原來,佢屋企有事, 我個刻好想好想攬住佢,俾件嬲佢,俾溫暖佢, 但係依加, 我並唔係佢既邊個,但係,佢當時做乜要面紅?當我入醫院個陣,佢又做乜要咁緊張我,為我而喊,到底佢係天使定係惡魔?要咁折磨,卻係我心中又冇人可以取代?但係, 我知佢一定係我最愛既人......」
「10月11日:
佢仲為屋企既事呆呆濟濟, 我一直乙水佢開心,但係,佢卻冇反應, 我係佢心目中,真係咁微不道足?」
睇到呢度,眼淚己經失控, 我捂著嘴哭泣 呀謙...... 唔係, 唔係, 唔係呀......你點會微不道足?
你己經偷左我成個心,你點會微不道足呀? 呀謙......
「11月14日:
係呢段時間, 唔知佢有冇留意我己經養成一種種植物既習慣?今日, 我留底去圖書館睇下關於呢方面既書, 係我走個陣,佢又仲末走,原來冇傘,於是我衝返屋企拎俾佢,即使我淋雨都冇所謂,因為佢等緊我...... 我返返去,佢卻攬住我喊, 我個陣幾驚呀,但佢話我咁耐先返,擔心我, 我真係好開心, 我唔想放開你,但我卻冇情趣咁打斷左,傻婆,要你等久啦......」
「11月15日:
呢幾日,神龍見道不見尾,你係出面識左男朋友?忘記左,天日就係我生日啦?咁又係, 我曾經係一個花花公子, 我冇法俾到女人最需要既安全感你......同你相識四年,卻只有一年生日係同你一齊渡過,今年呢?你冇啦啦係sofa訓著左,醒既時候,你都冇同我講一句生日快樂,直接入房,果然你真係忘記左......點解...... 你始終都係唔記得,知唔知, 我多麼盼望呀希同我講一句......生日......快樂, 對手係呀怡,你有勇氣同佢竞爭,但係,你加只係小樂姐,你就唔敢啦?但係, 我卻收到你sms:『哈佬(一把低B聲講),請問這是杜文謙嗎?(國語) 我知你今日生日喎,哼, 係呢日生日?欠揍嗎(強壯的麻甩佬聲)咳咳, 我希望你今日唔好俾人打穿個頭(一把文質涁涁既聲)帥哥,需唔需要我幫你一齊過生日呀!(北姑聲) 謙謙呀, 我係你之前條女呀花呀!記唔記得呀? 唔記得唔緊要, 我記得今日係你生日呀(一把冇比嬌媚既MM聲), 呀謙(變返正常我既聲) 我冇唔記得你生日呀,生－日－快－樂,期待明天嗎?天日,有好多刺激既野等緊你呀! 我訓啦!－希姐』我一字不留咁抄低, 我呢一世都唔會刪左佢......但係我想問多次, 你到底佢係天使定係惡魔?」
我依加,真係唔知講乜好, 呀謙,一直都在意我, 我知,但我估唔到,在意成咁
我抹抹眼角的淚珠,掀去一下頁......空白
再掀,又係空白......
「己經冇啦, 係咁多,你依加明白我咁做啦......」謙父講
「......」我點點頭, 捂住嘴默默流淚,我依加腦海中,只有兩個字: 呀謙...... (待續)
|
加入我的最愛 | 
設定為首頁 | 
圖片上載
論壇音樂模式 
非音樂模式 
