|
((((第二十五集))))
北京大街─────
小芝：小姐，請問你這裡該往哪兒走？（普通話）
小芝落左飛機之後，人生地不熟，要答咩車，行邊度都唔知，唯有不斷
問路。
女人：我不知道！（普通話）
問左好多個人都好似呢個女人咁答自己，佢地唔係唔識，而係唔想話佢知！
小芝：哦….謝謝。
問左咁多個，都係算喇。小芝行左咁耐，隻腳都腫腫地，前面有間細緻ｏ既咖啡屋，不如就去坐下先。
小芝拖住細小ｏ既行李，慢慢咁走過去。眼前ｏ既咖啡屋個名叫做回憶咖啡，個名好好聽
而且陣陣ｏ既咖啡香味不斷傳黎，小芝都好耐冇飲咖啡。
咖啡屋好細，只有幾張檯，係一間前鋪後屋ｏ既咖啡屋，只有一個中年女人看鋪。小芝一入到去，個女人就行埋黎。
女人：小姐，請問幾多位呢？（普通話）
小芝：只有我一個。
雖然間咖啡屋好細，但都差唔多坐滿曬人。
女人：哦，剛好只有一個位子，請坐在後排的桌子。（普通話）
女人帶住小芝行去後面最後ｏ既一張檯。
小芝：謝謝。
終於都可以坐低喇，一坐落去隻腳都飄飄然，好舒服！
女人：請問要點什麼呢？（普通話）
女人比左張清單小芝。
小芝：給我一杯黑咖啡。（普通話）
但小芝睇都冇睇就點左杯黑咖啡，因為係媽媽教識佢點飲黑咖啡，所以每次
飲都只會飲黑咖啡。
女人：好的，請等一等。（普通話）
女人走番去櫃檯整咖啡，小芝望住玻璃窗出面，出面個個人都好忙咁走黎走去，唔似得自己咁悠閒咁坐係度發呆。
一個人黎到北京，好孤獨，小芝好掛住ｂｂ，好掛住呀希，但係都到左呢個地步，佢唔可以就咁屈服，佢要過一ｄ重新ｏ既日子。
女人：小姐，你的黑咖啡。（普通話）
過左冇耐，熱辣辣香噴噴ｏ既黑咖啡送到面前。
小芝令起咖啡，吹兩吹，擺埋嘴飲左細細ｏ既一小啖，咖啡好濃，好苦，苦到眼淚都一齊出黎抗議。
一行又一行ｏ既眼淚，唔通真係ｄ咖啡苦？定係個心苦呀？
天公不造美，隋住佳人ｏ既哭泣落大雨，街上面ｏ個ｄ所謂ｏ既忙人，一個一個咁跑去避雨。
雨，一直落，越落越大，幾個鍾頭過左去都仲未停，人客一個走完，又一個。
女人：我想，應該是颱風了。（普通話）
全部ｏ既客都走曬之，只係淨返小芝一個。
小芝：颱風？（普通話）
出面真係好大風。
女人：對，可能會很大。（普通話）
女人開始清潔所有ｏ既檯。
小芝：你要打洋嗎？（普通話）(打洋＝收工。）
女人：差不多了，等老闆娘回來就打洋了。（普通話）
出面風大雨大，就連呢間咖啡屋都要閂門喇，點算……….
冇幾耐,呢間咖啡屋o既老闆娘返左黎,呢個老闆娘好肥，睇落去應該有五十幾歲，塊面上面化左一層厚厚ｏ既濃妝，一眼睇落去就覺得唔係善男信女。
女人：老闆娘。（普通話）
女人有禮貌咁向老闆娘打招呼。
肥老闆娘：今天生意可好嗎？（普通話）
呢個老女人ｏ既語氣好高竇。
女人：好。（普通話）
老闆娘：你先回去吧。（普通話）
女人好快咁就走左，而個肥女人就行埋去小芝度。
老闆娘：小姐，一個人嗎？（普通話）
小芝：嗯，是的。（普通話）
肥女人望左望小芝身旁ｏ既行李。
老闆娘：聽你的口音，應該不是本地人吧。（普通話）
小芝：對，我剛從香港來的。（普通話）
老闆娘：哦，我再你一杯熱飲吧。（普通話）
小芝：嗯，好，謝謝。（普通話）
反正都冇地方去，飲多杯野打發時間都冇壞。
肥女人走去櫃檯好快手咁整左杯熱飲出黎。
小芝：謝謝。
老闆娘：不用客氣，嘗一下，嘗下味道如何。
小芝拎起杯熱飲，唔知點解個心總係覺得黎個肥女人笑得令人心寒。
就係小芝飲ｏ既ｏ個一刻，呢個肥女人笑得更陰濕。
老闆娘：味道可好嗎？
聲音好濛糊。
小芝：唔…..
小芝成個人都冇曬力，睇到ｏ既野，都有好多個影。
當小芝心知不妙ｏ既時候，下一刻小芝就冇曬意識……………
|
加入我的最愛 | 
設定為首頁 | 
圖片上載
論壇音樂模式 
非音樂模式 
