嘩~今日下晝去飲茶真係離哂譜!!!!
成件事呢就係咁既:
我地全部就有9個人,咁其中有兩個係日本人黎既.........
之前食得都好地地,因為我地已經唔係第一次去食~
都覺得唔錯既,所以先之再去食~
但係今日到食甜品既時間,其中一個日本人就走去叫左個楊枝甘露~
我地都有個香港人friend就幫佢睇過張點心紙,再加上叫o個陣同個阿姐講:'剩係要一個楊枝甘露呀唔該'
好啦~之後就黎左個楊枝甘露啦~但係其後就唔知點解陸陸續續黎左好多其他點心.....
咁大家都知,叫得甜品就唔會再叫其他野食架啦~
咁我地就梗係叫阿姐拎走啦....阿姐就一再確認我地有冇叫到~
我地梗係冇啦~
過左一陣,就有個西裝男經理A走過黎同我地講話我地頭先點楊枝甘露O個張點心紙仲有寫左好多其他既點心喎~
咁其實O個張點心紙就係有人劃過既,但係又有用筆塗過既........
但係除左我地點O個個楊枝甘露之外,仲有成起碼十個既點心!!!!!!
我地就知道應該係之前既客點既.......
經過同男經理A一番周旋之後,西裝男經理B就出現啦~
講起呢條友就興過火屎!!!
西裝男經理B冇禮貌唔止,仲同我地講佢要同點心部O個邊交代~
意思就即係要我地要哂O個D完全唔係我地點既O個D點心~
我承慮我地係有責任去Check o個張點心紙,
但係佢地接到Order既時候,見到張點心紙禁花(O個張點心紙係劃到幾花下)
都應該黎同我地confirm一下呀!!!
但係宜家佢地要我地呢邊要哂個十幾個點心囉~
有冇道理先?!
OK!一人讓一步,我地就要左5個點心,其他O個D要佢地自己搞掂佢~
但係呢個西裝男經理B就極度冇禮貌+唔耐煩架樣囉!!
仲要擺個死人樣出黎要我地負責囉!
宜家兩邊都有責任,我地都讓左一步啦~
佢就當我地好蝦囉~
你地內部點樣運作,要同邊個交代,唔通要D客黎同你搞呀?!
今餐真係食到背脊骨落囉!
Main Point係o個個西裝男經理B走o個陣仲要俾我地見到佢咀形係o係度講粗口囉!
身為服務性行業既人,真係娘d都要講句:呢d咩態度呀??
呢個西裝男經理B既外觀就係: 身型略肥,戴眼鏡,1米7~1米8到
大家見到呢個人,千祈唔好再入去呢一間煌府食飯!!!!